Гамшгийн үеийн бүсийн удирдлага, зохицуулалтын холбооны найдвартай ажиллагаа, шуурхай байдлыг хангах чадвараа нэмэгдүүлэв
ОБЕГ-ын Гамшгаас хамгаалах сургалтын газар, Холбоо, мэдээллийн технологийн газар хамтран Зүүн бүсийн холбоочдын сургалт, дадлагыг энэ сарын 15-16-ны өдрүүдэд Хэнтий аймагт зохион байгууллаа.
Сургалтад зүүн бүсийн Хэнтий, Дорнод, Сүхбаатар аймгийн Онцгой байдлын газрын холбоо, зарлан мэдээлэл хариуцсан мэргэжилтэн, дуудлага хүлээн авагч, жолооч-холбооч нарын 40 гаруй алба хаагч хамрагдсан юм.
Онцгой байдлын байгууллагаас бүсийн хэмжээнд мэдээллийн систем, сүлжээний дэд бүтцийг өргөтгөх, харилцаа холбооны техник хэрэгслийн чадавхыг нэмэгдүүлэх, кибер аюулгүй байдлыг хангах, алба хаагчдын мэдлэг, ур чадварыг тасралтгүй дээшлүүлэх цогц ажлуудыг шат дараатай хэрэгжүүлэхээр зорилт тавин ажиллаж байна.
Энэ хүрээнд гамшиг, ослын дуудлага ихээр бүртгэгддэг бүс нутгуудад харилцаа холбооны техник, хэрэгслийн чадавхыг нэмэгдүүлэх, шинээр байгуулагдсан анги, салбаруудыг интернэтийн нэгдсэн удирдлага бүхий сүлжээнд холбох, “Старлинк” хиймэл дагуулын төхөөрөмж, орон зайн мэдээллийн системүүдийг нэвтрүүлэх, нисгэгчгүй нисэх төхөөрөмжийг гамшгийн удирдлагад ашиглах зэрэг шинэчлэл, дэвшлийг хийж байна.
Тиймээс энэ удаагийн сургалтаар радио холбоо, мэдээллийн технологи, орон зайн болон кибер аюулгүй байдлын чиглэлээр онол, практикийн мэдлэг олгож, гамшгийн үеийн бүсийн удирдлага, зохицуулалтын холбооны найдвартай ажиллагаа, шуурхай байдлыг хангах чадварыг алба хаагчдад эзэмшүүллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/09/17
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/09/17
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/09/17
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
