Австралийн тэтгэлэгт хөтөлбөрийн төгсөгчдийн уулзалтад оролцлоо
Австралийн Холбооны Улсын Амбан захирагч, эрхэмсэг хатагтай Саманта Мостин, түүний нөхөр ноён Симеон Бекетт нар Монгол-Австралийн нийгэмлэг (Mozzies) болон Австралийн тэтгэлэгт хөтөлбөрийн төгсөгчидтэй уулзалт хийлээ.
Тус уулзалтад Австралийн Үндэсний Их сургуулийн төгсөгч ОБЕГ-ын Эрсдэлийн удирдлагын газрын дарга, хурандаа Д.Баасансүрэн, бэлтгэл хурандаа Ч.Ариунаа, Жеймс Күүк Их сургуулийн төгсөгч Гамшгийн эрсдэлийн удирдлагын хэлтсийн дарга, хурандаа Д.Базаррагчаа нар уригдан оролцсон юм.
Энэхүү уулзалт нь хоёр орны найрсаг харилцаа, хамтын ажиллагааг өргөжүүлэн бэхжүүлэх зорилготойгоор Амбан захирагчийн Монгол Улсад хийсэн албан ёсны айлчлалын хүрээнд зохион байгуулагдсан гэдгээрээ онцлог.
Хатагтай Мостин урт хугацааны түншлэлийг бэхжүүлэхэд төгсөгчдийн оролцоо чухал үүрэгтэйг онцолж, Австралийн тэтгэлэгт хөтөлбөр болон тус хөтөлбөрийн төгсөгчдийн идэвхтэй оролцоо нь хоёр орны хамтын үнэт зүйлс, тогтвортой хөгжлийг дэмжихэд чухал ач холбогдолтойг онцоллоо.
.jpg)
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/09/11
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/09/11
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/09/11
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
