Гамшгийн эрсдэлийн удирдлагын тогтолцоог бэхжүүлэхэд хамтран ажиллана
ОБЕГ-ын дарга, хошууч генерал Г.Ариунбуян НҮБ-ын Хүнс, хөдөө аж ахуйн байгууллагын шинээр томилогдсон Монгол дахь суурин төлөөлөгч Др. Чинюн Диаог хүлээн авч уулзлаа.
Уулзалтын эхэнд хошууч генерал Г.Ариунбуян Монгол дахь суурин төлөөлөгчөөр томилогдсонд баяр хүргэж, Онцгой байдлын байгууллагын үйл ажиллагаа, онцлог, авч хэрэгжүүлж байгаа арга хэмжээ болон өнгөрсөн хугацаанд хэрхэн хамтарч ажилласан талаар танилцуулсан юм.
Талууд энэ үеэр гамшгийн эрсдэлийг бууруулах, ялангуяа зуд болон уур амьсгалын өөрчлөлтөөс шалтгаалсан хүнс, мал аж ахуйн салбарын эрсдэлийг багасгах чиглэлээр хамтарч ажиллах, цаашлаад хөдөө аж ахуй, хүнсний аюулгүй байдлыг хангах, малчдын амьжиргааг хамгаалах, байгалийн гамшгийн дараах сэргээн босголтын бодлогод НҮБ-ын Хүнс, хөдөө аж ахуйн байгууллагын дэмжлэгийг нэмэгдүүлэх талаар хэлэлцлээ.
Мөн тус байгууллагын туршлага, техникийн дэмжлэг нь гамшгийн эрсдэлийн удирдлагын тогтолцоог бэхжүүлэхэд чухал хувь нэмэр оруулахыг хошууч генерал Г.Ариунбуян онцолсон юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/09/05
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/09/05
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/09/05
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
