Өнгөрөгч наймдугаар сар 38 дахь бага тунадастай сар боллоо

calendar_today2025-09-05

Дотоод мэдээ , Шинэ мэдээ

A- A A+

Өнгөрөгч наймдугаар сарын агаарын дундаж температур өмнөх жилээс -1.6°С-аар хүйтэн, олон жилийн дунджаас 0.3°С-аар дулаан байсан бол 1940 оноос хойш тохиолдож байгаа 15 дахь дулаан сар боллоо.

Сарын агаарын дундаж температурын олон жилийн дунджаас хазайх хазайлтын орон зайн тархалтыг авч үзэхэд нийт нутгийн дийлэнх буюу 81.4 хувь нь дунджийн орчим, 17.8 хувь нь дунджаас 1.1–ээс 3.0°С-аар дулаан, 0.8 хувь нь дунджаас хүйтэн байжээ.

Мөн Монгол орны хэмжээнд дунджаар 44.3 мм хур тунадас орсон нь өмнөх жилээс 33.4 хувь, олон жилийн дунджаас 3.01 хувиар тус тус бага бөгөөд 1940 оноос хойш тохиолдож байгаа 38 дахь бага тунадастай сар болж өнгөрлөө.

Сарын нийлбэр хур тунадасны олон жилийн дунджаас хазайх хазайлтын орон зайн тархалтыг авч үзвэл нийт нутгийн 55.8 хувь нь дунджаас бага, 31 хувь нь дунджаас ахиу, 13.2 хувьд дунджийн орчим хур тунадас унасан байна.

Эх сурвалж: Уур амьсгалын өөрчлөлт нөөцийн судалгааны хэлтэс

Уг нийтлэлийн бүх текстүүдийг хуулах

Уг нийтлэлийн бүх зургийг татах

Бусад мэдээлэл

calendar_today2025/09/05

Шинэ мэдээ

Мөсөн дээгүүр явганаар болон авто тээвэр хийхгүй байхыг онцгойлон анхааруулж байна

Цаг уурын байгууллагын гаргасан мэдээгээр хоёрдугаар сарын хоёрдугаар арав хоногийн байдлаар манай орны дунд болон томоохон голуудын мөсний зузаан өөрчлөлт багатай байгаа бол жижиг голууд ёроолдоо хүртэл хөлдсөн хэвээр байна.

calendar_today2025/09/05

Шинэ мэдээ

Зудын байдлыг үнэлэхэд 11 аймгийн 43 сум цагаан зудтай байна

Ус цаг уур, орчны судалгаа, мэдээллийн хүрээлэнгээс Засгийн газрын 286 дугаар тогтоолын дагуу цасны зузаан, нягт болон агаарын температурын олон жилийн дундажтай харьцуулсан мэдээлэлд үндэслэн зудын байдлыг үнэлэхэд хоёрдугаар сарын 20-ны байдлаар 11 аймгийн 43 суманд цагаан зудтай, 13 аймгийн 47 сум цагаанаар зудархуу нөхцөлтэй байна.