Хүн нэг бүрийн хамгаалах хэрэгсэл, тоног төхөөрөмжийг гардууллаа
БНСУ-ын Үндэсний гал түймэртэй тэмцэх газраас хамтын ажиллагааны хүрээнд Онцгой байдлын байгууллагад 300 нэр төрлийн хүн нэг бүрийн хамгаалах хэрэгсэл, тоног төхөөрөмжийг гардуулан өглөө.
Тус арга хэмжээнд ОБЕГ-ын дарга, хошууч генерал Г.Ариунбуян, БНСУ-аас Монгол Улсад суугаа Элчин зөвлөх Кан Хён Чол, БНСУ-ын Олон Улсын хамтын ажиллагааны байгууллагын (КОЙКА) Монгол дахь суурин төлөөлөгчийн газрын орлогч дарга Со Хён Жэ болон тус улсын Үндэсний гал түймэртэй газрын тоног төхөөрөмж, технологийн газрын дарга Юүн Сан Ги нар оролцсон юм.
Хошууч генерал Г.Ариунбуян хэлсэн үгэндээ “БНСУ-ын Үндэсний гал түймэртэй тэмцэх газраас гардуулсан энэхүү хүн нэг бүрийн хамгаалах хэрэгсэл, тоног төхөөрөмж нь Онцгой байдлын байгууллагын алба хаагчдын хамгаалалт, аюулгүй ажиллагааг сайжруулж, гамшгийн голомтод ажиллах бэлтгэл, чадавхыг нэмэгдүүлэх болно. Цаашид хамтын ажиллагаагаа улам гүнзгийрүүлж, бүс нутгийн аюулгүй байдлыг хангах, гамшгийн эрсдэлийг бууруулах, олон улсын хамтын ажиллагаанд үлгэр жишээ түншлэл бий болгоно гэдэгт итгэлтэй байна” гэлээ.
Хоёр орны гамшгаас хамгаалах байгууллагуудын хамтын ажиллагаа 2006 оноос эхэлж, өдгөө хүний нөөцийг чадавхжуулах сургалт, дадлага, судалгаа шинжилгээ, сайн дурын ажиллагаа, техник, тоног төхөөрөмжийн дэмжлэг зэрэг олон чиглэлээр өргөжин хөгжиж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/09/04
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/09/04
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/09/04
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
