Газар хөдлөлтийн голомтын ойролцоох тосгод бүхэлдээ сүйдэж, амиа алдагсдын тоо нэмэгдэж байна
Афганистаны зүүн хэсгийн Нангарар болон Кунар мужийн нутаг дэвсгэрт наймдугаар сарын 31-ний өдөр 6.0 магнитудын хүчтэй газар хөдөлсөн. Газар хөдлөлтөөр амиа алдагсдын тоо цаг минутаар нэмэгдсээр өнөөдрийн байдлаар /2025.09.02/ 800 даваад байна. Мөн мянга мянган хүн гэмтэж бэртжээ. Газар хөдлөлтийн голомтын ойролцоох тосгод бүхэлдээ сүйдсэн тул нас барагсдын тоо цаашид ч нэмэгдэх төлөвтэй байна.
Орон нутгийн эрүүл мэндийн байгууллагууд ачааллаа дийлэхээ больж, зарим тосгонд аврах баг хүрч очихын аргагүй байгаа ч Засгийн газар нисдэг тэргээр тусламжийн баг хөдөлгөж, эрэн хайх, аврах ажиллагааг үргэлжлүүлсээр байгаа юм.
Тосгоны 95 хувь нь сүйрсэн бөгөөд айл бүрт 5-10 шархтай хүн байгаа гэдгийг Нургал бүсийн оршин суугч Мазар Дара хэлжээ.
Газар тариалангийн талбай багатай уулархаг Кунар муж хамгийн их хохирол амссан бөгөөд ихэнх нас баралт тус мужид бүртгэгдсэн. Кунар мужийн айл өрхүүд ихэвчлэн шавар, чулуугаар байшингаа барьсан байдаг. Мөн замууд нь уулыг тойрсон шороон зам учраас сүүлийн хэдэн өдрийн үер, хөрсний гулгалт, газар хөдлөлтөөр нөхцөл байдал улам хүндэрчээ.
Одоогийн байдлаар Хятад, Энэтхэг, Их Британи, Швейцарь зэрэг хэд, хэдэн улс тусламж үзүүлэхээ мэдэгдээд байна.
Афганистан улс газар зүйн хувьд хэд хэдэн хагарлын шугам дээр байрладаг бөгөөд 2020 онд 2000, 2023 онд 1000 гаруй хүнээ газар хөдлөлтөөр тус тус алдаж байжээ.
ЭХ СУРВАЛЖ: BBC
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/09/02
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/09/02
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/09/02
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
