Олон улсын сургалтад хамрагдаж, гэрчилгээ гардан авлаа
ДХИС-ийн Эрдэм шинжилгээний хүрээлэнгийн Гамшиг судлалын төвийн эрхлэгч, доктор, дэслэгч Б.Одгэрэл, Онцгой байдлын сургуулийн Эдийн засаг, нөөц, ар талын тэнхимийн багш, ахмад Ц.Тэмүүлэн нар долоодугаар сарын 31-ээс наймдугаар сарын 14-ний өдрүүдэд БНХАУ-ын Бээжин хот болон Хэбэй мужид зохион байгуулагдсан “CISTRAT International Training Workshop on AI Policies and Practice” олон улсын сургалтад хамрагдаж, гэрчилгээ гардан авлаа.
Тус сургалт нь ЮНЕСКО-гийн санаачилгаар, БНХАУ-ын тэтгэлэгтэйгээр зохион байгуулагдсан бөгөөд БНХАУ, Египет, Казахстан, Испани, Коста Рика зэрэг 15 улсын 20 гаруй их сургууль, эрдэм шинжилгээний байгууллагын профессор, судлаач, шинжлэх ухаан, технологийн сангийн удирдлагууд оролцсон юм.
Оролцогчид шинжлэх ухаан, инновацын үйл ажиллагаанд хиймэл оюун ухааны хэрэглээ, эрх зүйн зохицуулалт, практик хэрэглээний чиглэлээр туршлага солилцож, тогтвортой хөгжлийн зорилтыг хэрэгжүүлэхэд шинжлэх ухаан, технологи, инновацын гүйцэтгэх үүргийг онцлон хэлэлцсэн байна.
Энэхүү сургалт нь олон улсын түвшинд хиймэл оюун ухааны бодлогын чиг хандлагыг судлах, туршлага солилцох, улмаар Монгол Улсад хэрэгжүүлж болохуйц шийдлийг тодорхойлоход үнэ цэнэтэй мэдлэг, мэдээлэл өгснөөрөө онцлог юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/09/01
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/09/01
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/09/01
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
