Онцгой байдлын ерөнхий газраас  БНХАУ-ын сургагч багш нартай хамтран “Урсгал болон тогтмол усны мандлаас эрэн хайх, аврах ажиллагаа”-ны сургалтыг энэ сарын 18-19-ний өдрүүдэд нийслэлийн Баянзүрх дүүргийн 20 дугаар хороо “Хар усан тохой”-д зохион байгууллаа.

Сургалтад ОБЕГ-ын харьяа Үндэсний аврах бригад, нийслэлийн Аврах анги, төв, орон нутгийн Онцгой байдлын байгууллагын Эрэн хайх, аврах анги, салбарын 20 орчим алба хаагч хамрагдсан юм.

Алба хаагчид албанд шинээр ашиглаж байгаа уснаас аврах ажиллагаа зохион байгуулах завь, тоног төхөөрөмжийн дадлагыг хийж, үүрэг гүйцэтгэхэд ашигалах арга барилд суралцлаа.