Түймрийн голомтод Онцгой байдал, мэргэжлийн ангийн 512 хүн ажиллаж байна
Улсын хэмжээнд өнөөдөр /2025.08.01/15:00 цагийн байдлаар 13 ойн түймэртэй байгаагаас 4 түймрийг цурамд оруулж, 9 түймрийг хяналтад авч, цурамд оруулахаар Онцгой байдлын байгууллагаас 360 алба хаагч, 15 автомашин, мэргэжлийн ангийн 152 хүн, 15 автомашин нийт 512 хүн, 30 автомашин, 29 морьтой үүрэг гүйцэтгэж байна.
Сэлэнгэ аймгийн Ерөө суманд-3, Хүдэр суманд-1 буюу 4 ойн гал түймрийг цурамд оруулсан бол Сэлэнгэ аймгийн Хүдэр суманд-3, Ерөө суманд-2, Мандал-2, Хөвсгөл аймгийн Цагааннуур суманд-1, Улаан-уул суманд-1 буюу нийт 9 ойн гал түймрийг хяналтад авч, цурамд оруулахаар ажиллаж байна.
Хөвсгөл аймгийн Цагааннуур, Улаан-уул суманд гарсан ойн түймрийг унтраах ажиллагааг зохион байгуулах алба хаагчдыг ОБЕГ-ын харьяа Агаараас эрэн хайх, аврах 111 дүгээр ангийн нисдэг тэргээр тээвэрлэн хүргэж байна.
Өнгөрөгч долоодугаар сард Булган, Баян-Өлгий, Дорнод, Төв, Хэнтий, Сэлэнгэ, Хөвсгөл аймгуудад нийт 66 ой, хээрийн гал түймэр бүртгэгдсэнээс 53 ой, хээрийн гал түймрийг бүрэн унтраасан бөгөөд 64 ойн гал түймрийг хиймэл дагуулын дулаан илрүүлэх сайтаас шуурхай илрүүлж, унтраах ажиллагааг зохион байгуулж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/08/01
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2025/08/01
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2025/08/01
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
