Хоёр орны гамшгаас хамгаалах салбарын хамтын ажиллагааны хүрээнд олон талт арга хэмжээг хэрэгжүүлэхээр боллоо
Онцгой байдлын ерөнхий газар олон Бүгд Найрамдах Тажикистан Улсын Засгийн газрын дэргэдэх Онцгой байдал, Иргэний хамгаалалтын хороо хоорондын гамшгаас урьдчилан сэргийлэх, хор уршгийг арилгах чиглэлээр хамтран ажиллах тухай харилцан ойлголцлын санамж бичгийн хүрээнд хоёр талт уулзалтыг зохион байгууллаа.
Уулзалтын үеэр тус улсын Зарлан мэдээлэх шуурхай удирдлагын төвөөр зочилж, шуурхай удирдлага зохион байгуулалтын ажиллагаатай танилцахаас гадна хамтын ажиллагааг шинэ шатанд гаргах хүрээнд хэд, хэдэн асуудлыг хэлэлцэн, тохиролцсон юм.
Харилцан ойлголцлын санамж бичгийг хэрэгжүүлэх хамтарсан ажлын хэсэг байгуулах, тогтмол уулзалт зохион байгуулах, Онцгой байдлын байгууллагуудын алба хаагч, мэргэжилтнүүдийг харилцан солилцох, туршлага судлуулах, аврах ажиллагаа, гамшгаас хамгаалах чиглэлээр сургалт, дадлага, хамтарсан сургуулилт тогтмол зохион байгуулах, техник, тоног төхөөрөмжийн бэлэн байдлыг хангах, мэдлэг, арга туршлагаа хуваалцах, харилцан дэмжлэг үзүүлэхээр боллоо.
Тус уулзалт болон туршлага судлах арга хэмжээ нь хоёр орны Онцгой байдлын байгууллагуудын уялдаа холбоог бэхжүүлж, ирээдүйд гамшгийн эрсдэлийг бууруулах, хохирлыг багасгах хамтарсан үйл ажиллагааг өргөжүүлэхэд чухал ач холбогдолтой алхам гэдгээрээ онцлог юм.
Хамтарсан ажлын хэсгийн үйл ажиллагааг эхлүүлснээр хоёр талын хамтын ажиллагааг илүү системтэй, үр дүнтэй болгож, гамшгийн үед шуурхай, уялдаа холбоотой ажиллах нөхцөлийг бүрдүүллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/07/28
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/07/28
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/07/28
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
