Хамтын ажиллагааны талаар санал солилцлоо
ОБЕГ-ын тэргүүн дэд дарга бөгөөд штабын дарга, бригадын генерал Ц.Ганзориг БНСУ-аас Монгол Улсад суугаа Элчин сайдын самны Батлан хамгаалахын атташе, хурандаа Пак Ин Чоль болон шинээр томилогдож байгаа атташе, хурандаа Нам Гён Жүн нарыг хүлээн авч уулзлаа.
Уулзалтын эхэнд бригадын генерал Ц.Ганзориг хоёр улсын гамшгаас хамгаалах салбарын хамтын ажиллагаа 20 гаруй жилийн түүхтэйг онцолж, гамшгаас хамгаалах салбарын хамтын ажиллагааны талаар танилцуулж, талархал илэрхийллээ.
Хамтын ажиллагааг эхлүүлснээс хойш тус улсаас автомашин, аврах ажиллагааны багаж, хувцас хэрэгсэл, техник, тоног төхөөрөмжүүд зэрэг буцалтгүй тусламжийг үзүүлж, аймаг, орон нутгийн Онцгой байдлын байгууллагын шуурхай хариу арга хэмжээ авах чадавхыг нэмэгдүүлж, 1000 гаруй аврагч, гал сөнөөгч, мэргэжилтнүүдийг БНСУ-д богино болон дунд хугацааны сургалтад хамруулахаас гадна хамтран олон төсөл хөтөлбөрүүдийг амжилттай хэрэгжүүлж байна.
Мөн хурандаа Нам Гён Жүнд хоёр улсын Онцгой байдлын салбарын харилцаа, хамтын ажиллагааг хөгжүүлэхээс гадна гамшгийн удирдлагын мэдээллийн системийн хөгжүүлэлтийг сайжруулах боломжийг судлахыг хүссэн юм.
Харин хурандаа Пак Ин Чоль Монгол улсад ажиллах хугацаандаа Онцгой байдлын байгууллагатай хамтран ажиллахдаа сэтгэл хангалуун байсныг дурдаад ирэх онд зохион байгуулахаар төлөвлөж байгаа “Говийн чоно” олон улсын дадлага сургуульд оролцох сонирхлоо илэрхийллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/07/25
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/07/25
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/07/25
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
