Цаг агаар: 

Өнгөрсөн хоногт: Улаанбаатар хотод 7 мм, Дарханы 4 суманд 4.7 мм, Дорнодын 6 суманд 12.9 мм,Увсын 2 суманд 2.4 мм, Төвийн 5 суманд 3 мм, Сэлэнгийн 3 суманд 0.8 мм, Сүхбаатарын 2 суманд 0.1 мм, Өвөрхангайн 2 суманд 11 мм, Хөвсгөлийн 7 суманд 5 мм, Хэнтийн 2 суманд 0.6 мм, бороо орсон.

Өнөөдөр: Ихэнх нутгаар солигдмол үүлтэй. Төвийн аймгуудын нутгийн хойд болон зүүн хэсэг, зүүн аймгуудын нутгийн зарим газар, говийн аймгуудын нутгийн зүүн хойд хэсгээр бороо, дуу цахилгаантай аадар бороо орно. Баруун болон төвийн аймгуудын нутгаар баруун өмнөөс хойш эргэж, бусад нутгаар баруун өмнөөс 5-10 м/с, борооны өмнө түр зуур ширүүснэ. Дархадын хотгор, Эг, Үүр голын хөндийгөөр +10…+15 градус, Хангай, Хөвсгөлийн уулархаг нутаг, Орхон, Ерөө голын хөндийгөөр +16...+21 градус, Алтай, Хэнтийн уулархаг нутаг, Завхан голын эх, Хүрэнбэлчир орчмоор +19…+24 градус, говийн бүс нутгаар +32…+37 градус, бусад нутгаар +26…+31 градус дулаан байна.

Улаанбаатар хотод: Үүлшинэ, дуу цахилгаантай аадар бороо орно. Салхи зүүн өмнөөс баруун хойш эргэж 6-11 м/с, борооны өмнө түр зуур ширүүснэ. +28…+30 градус дулаан байна.

Төлөв байдал: 25-нд зүүн аймгуудын нутгийн зарим газраар, 26-нд төвийн аймгуудын нутгийн зарим газраар, 27-нд төв болон зүүн аймгуудын нутгийн зарим газар, говийн аймгуудын нутгийн хойд хэсгээр, 28-нд төв болон говийн аймгуудын нутгийн зүүн хэсэг, зүүн аймгуудын нутгийн зарим газраар бороо, дуу цахилгаантай аадар бороо орно. Салхи ихэнх хугацаанд 5-10 м/с, борооны өмнө түр зуур ширүүснэ. Ихэнх хугацаанд нутгийн хойд хэсгээр сэрүүхэн, Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Тэрэлж голын хөндийгөөр шөнөдөө +1...+6 градус, өдөртөө +14...+19 градус, Их нууруудын хотгор, говийн бүс нутгийн өмнөд хэсгээр шөнөдөө +19...+24 градус, өдөртөө +33...+38 градус, говийн бүс нутгийн хойд хэсэг, Дарьгангын тал нутгаар шөнөдөө +14...+19 градус, өдөртөө +27...+32 градус, бусад нутгаар шөнөдөө +8…+13 градус, өдөртөө +21...+26 градус дулаан байна.

Гал түймэр:

Улаанбаатар хот, Баянзүрх дүүрэг 23 дугаар хороо байшин шатаж байна гэсэн дуудлагыг 07.23-ны өдрийн 23:25 цагт хүлээн авсан. Тус дүүргийн Онцгой байдлын хэлтсийн 35 дугаар ангийн алба хаагчдыг очиход эзэнгүй хашаанд 2х3 метрийн хэмжээтэй амбаар бүрэн шатаж, 4х5 метрийн хэмжээтэй байшингийн дээврийн хэсэг хайрагдаж байсныг  ажиллаж унтраасан.

Дорноговь аймаг, Айраг сум 4 дүгээр баг, ачааны автомашины дугуй шатаж байна гэсэн дуудлагыг 07.24-ний өдрийн 00:25 цагт хүлээн авсан.Тус аймгийн Онцгой байдлын газрын 23 дугаар ангийн алба хаагчдыг очиход М-ийн “Хово ZZ3257N4147W” загварын ачааны автомашины чиргүүлийн баруун талын хойд 2 дугуй шатаж байсныг ажиллаж  унтраасан.

Улаанбаатар хот Налайх дүүрэг 6 дугаар хороо байшин шатаж байна гэсэн дуудлагыг 07.24-ний өдрийн 00:45 цагт хүлээн авсан. Тус дүүргийн Онцгой байдлын хэлтсийн 28 дугаар ангийн алба хаагчдыг очиход иргэн Ө-ийн амралтын газрын 10х20 метрийн хэмжээтэй байшин шатаж байсныг  ажиллаж унтраасан.     

Хүний үйл ажиллагаатай холбоотой осол: 

Улаанбаатар хот, Багануур дүүрэг “Хэрлэнгийн гүүр” гэдэг газар 3 зорчигчтой суудлын автомашин “Хэрлэн” голын усанд суусан тухай дуудлагыг 07.23-ны өдрийн 19:50 цагт хүлээн авсан. Тус дүүргийн Онцгой байдлын хэлтсийн 64 дүгээр ангийн алба хаагчдыг  очиход иргэн А-ийн  “Chery Jetour X50” загварын 3 зорчигчтой суудлын автомашин “Хэрлэн” голын усанд суусан байсныг ажиллан татан гаргасан.

ОНЦГОЙ БАЙДЛЫН ЕРӨНХИЙ ГАЗАР