Цаг агаар: 

Өнгөрсөн хоногт: Дорнод /1 сум/-12 мм, Хэнтий /5 сум/-3.8 мм, Увс /1 сум/-2 мм, Завхан /1 сум/-4 мм, Хөвсгөл /5 сум/-6 мм, Төв /11 сум/-3 мм, Өвөрхангай  /9 сум/- 8 мм, Архангай /4 сум/-17 мм, Баянхонгор /10 сум/-2 мм бороо орсон. Бусад нутгаар цаг агаар тогтуун байлаа.

Өнөөдөр: Ихэнх нутгаар солигдмол үүлтэй. Шөнөдөө төвийн аймгуудын нутгийн зарим газар, зүүн аймгуудын нутгийн баруун болон хойд хэсгээр, өдөртөө баруун аймгуудын нутгийн хойд хэсэг, төв болон зүүн аймгуудын нутгийн зарим газар, говийн аймгуудын нутгийн зүүн хэсгээр бороо, дуу цахилгаантай аадар бороо орно. Салхи нутгийн хойд хэсгээр баруун өмнөөс хойш эргэж, бусад нутгаар баруун өмнөөс секундэд 5-10 метр, борооны өмнө түр зуур ширүүснэ. Агаарын температур өдөртөө Дархадын хотгороор +14…+19 градус, Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Эг, Үүр, Орхон, Ерөө, Тэрэлж, Онон, Улз голын хөндийгөөр +21…+26 градус, говийн бүс нутгийн өмнөд хэсэг, Халх голын хөндийгөөр +32…+37 градус, бусад нутгаар +25…+30 градус дулаан байна.

Улаанбаатар хотод: Үүлшинэ. Шөнөдөө бороо орно. Өдөртөө бага зэргийн бороо орно. Салхи баруун өмнөөс хойш эргэж секундэд 5-10 метр. Шөнөдөө +13…+15 градус, өдөртөө +25…+27 градус дулаан байна.

Төлөв байдал: 24-нд баруун болон төвийн аймгуудын нутгийн хойд, зүүн аймгуудын нутгийн баруун хойд хэсгээр, 25-нд зүүн аймгуудын нутгийн зарим газраар, 26-нд төвийн аймгуудын нутгийн зарим газраар, 27-нд төв болон зүүн аймгуудын нутгийн зарим газар, говийн аймгуудын нутгийн хойд хэсгээр бороо, дуу цахилгаантай аадар бороо орно. Салхи ихэнх хугацаанд секундэд 5-10 метр, борооны өмнө түр зуур ширүүснэ. Ихэнх хугацаанд нутгийн хойд хэсгээр сэрүүхэн, Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Тэрэлж голын хөндийгөөр шөнөдөө +1...+6 градус, өдөртөө +14...+19 градус, Их нууруудын хотгор, говийн бүс нутгийн өмнөд хэсгээр шөнөдөө +19...+24 градус, өдөртөө +33...+38 градус, говийн бүс нутгийн хойд хэсэг, Дарьгангын тал нутгаар шөнөдөө +14...+19 градус, өдөртөө +27...+32 градус, бусад нутгаар шөнөдөө +8…+13 градус, өдөртөө +21...+26 градус дулаан байна.

Гал түймэр:

Дорноговь аймаг, Замын-Үүд сум 3 дугаар баг хүнсний дэлгүүрийн дээвэр шатаж байна гэсэн дуудлагыг 07.22-ны өдрийн 08:38 цагт хүлээн авсан. Тус аймгийн Онцгой байдлын газрын Замын-Үүд сум дахь алба хаагчдыг очиход иргэн Э-ын 6х10 метрийн хэмжээтэй  хүнсний дэлгүүрийн дээвэр шатаж байсныг ажиллаж унтраасан.

Дархан-Уул аймаг, Дархан сум 15 дугаар баг байшингийн дээвэр шатаж байна гэсэн дуудлагыг 07.22-ны өдрийн 10:10 цагт хүлээн авсан. Тус аймгийн Онцгой байдлын газрын 22 дугаар ангийн алба хаагчдыг очиход иргэн Б-ын 6х9 метрийн хэмжээтэй байшингийн дээвэр хэсэг шатаж байсныг ажиллаж унтраасан.

Улаанбаатар хот, Баянгол дүүрэг 8 дугаар хороо гал гараад байна гэсэн дуудлагыг 07.22-ны өдрийн 12:28 цагт хүлээн авсан. Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход иргэн Ц-ийн 1х2 метрийн хэмжээтэй тагт дээр эд хогшил шатаж 8 дугаар давхрын тагт руу шатлага явагдаж байсныг ажиллаж унтраасан.

Дархан-Уул аймаг, Дархан сум 5 дугаар баг автомашин шатаж байна гэсэн дуудлагыг 07.22-ны өдрийн 22:13 цагт хүлээн авсан.  Тус аймгийн Онцгой байдлын газрын 54 дүгээр ангийн алба хаагчдыг очиход иргэн Ц-ийн  “Toyota Prius-30” загварын суудлын автомашины хөдөлгүүр хэсэгт шатаж байсныг ажиллаж унтраасан.

ОНЦГОЙ БАЙДЛЫН ЕРӨНХИЙ ГАЗАР