Гамшгаас хамгаалах салбарын хамтын ажиллагааг идэвхжүүлэх талаар санал солилцож, байгууллагуудын үйл ажиллагаатай танилцлаа
ОБЕГ-ын дарга, хошууч генерал Г.Ариунбуян Бүгд Найрамдах Киргиз Улсад энэ сарын 20-23-ны өдрүүдэд албан айлчлал хийж байна.
Онцгой байдлын ерөнхий газар, тус улсын Онцгой байдлын яам хоорондын хамтын ажиллагаа нь 2016 онд “Харилцан ойлголцлын санамж бичиг”-т гарын үэсэг зурснаар эхэлж, өдгөө жилээс жилд өргөжин хөгжсөөр байна.
Айлчлалын хүрээнд хошууч генерал Г.Ариунбуян тус улсын Онцгой байдлын асуудал эрхэлсэн сайд, хошууч генерал Бообек Эргешевич Ажикеевтэй уулзалт хийж, хоёр орны найрсаг харилцааг бэхжүүлэх, гамшгаас хамгаалах байгууллагуудын хамтын ажиллагааг идэвхжүүлэх талаар санал солилцлоо.
Талууд өндөр уулын нөхцөлд аврах ажиллагааны хамтарсан дадлага сургуулилт зохион байгуулах, туршлага солилцох, хамтын ажиллагааны цар хүрээг өргөжүүлэхээр тохиролцсон юм.
Мөн айлчлалын үеэр Онцгой байдлын яамны Шуурхай удирдлага, зарлан мэдээлэх төв болон Гал түймэр унтраах, аврах ангийн үйл ажиллагаа, багаж хэрэгсэлтэй танилцлаа.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/07/22
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/07/22
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/07/22
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
