Аймаг, нийслэлийн Шуурхай штабуудтай цахим хурал хийж, үүрэг чиглэл өглөө
Үндэсний баяр наадмын амралтын өдрүүд эхлэх гэж байгаатай холбогдуулан ОБЕГ-ын Ажиллагааны шуурхай штабаас нийслэл, 21 аймгийн шуурхай штабын удирдлага, бүрэлдэхүүнтэй цахим хурал хийж, холбогдох үүрэг чиглэлийг өглөө.
.JPG)
Энэ үеэр үүрэг гүйцэтгэх томилгоот бүрэлдэхүүний бэлтгэл, бэлэн байдлыг хангах, ой, хээрийн түймэр, гол, усны осол, гэнэтийн үерийн аюулаас урьдчилан сэргийлэх арга хэмжээг эрчимжүүлэх, байгууллага хоорондын уялдаа холбоог хангаж, нөхцөл байдлыг тухай бүрт үнэлэн, хариу арга хэмжээг хэрэгжүүлэхийг чиглэл болгосон юм.
.JPG)
Баяр наадмын өдрүүдэд Онцгой байдлын байгууллагын хэмжээнд өндөржүүлсэн бэлэн байдалд ажиллаж, ОБЕГ, 21 аймаг, нийслэлийн Ажиллагааны шуурхай штабын томилгоот бүрэлдэхүүн үүрэг гүйцэтгэнэ.
Мөн улсын хэмжээнд болзошгүй гол, усны ослоос сэргийлэх хөдөлгөөнт болон завьт эргүүлүүд урьдчилан сэргийлэх арга хэмжээг хүргэж, иргэдийн аюулгүй байдлыг ханган ажиллаж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/07/09
Шинэ мэдээСургалтын тоо 21 хувиар, сургалтад хамрагдсан хүний тоо 53.5 хувиар өссөн байна
Түүнчлэн 100 мянган хүн амд харьцуулсан сургалтын хүртээмж өмнөх оноос 51.8 хувиар нэмэгдсэн бөгөөд ерөнхий боловсролын сургуулийн сурагчдын хамрагдалт өмнөх онтой харьцуулахад 8.36 хувиар өссөн байна.
2025/07/09
Шинэ мэдээД.Базаррагчаа: Монголд тохиолдож болзошгүй эрсдэлээр нь газар хөдлөлт, аянга, ган, зуд… гэж гамшгийг эрэмбэлдэг
Түгээмэл тохиолдох 10 гамшгийн аюулыг сонгож, Монгол Улсын газар нутгийн хэмжээнд аюулын өртөх байдлаар авч үзвэл газар хөдлөлтийн аюул (500 жилийн эргэн тохиох магадлалаар) хамгийн эхэнд эрэмблэгдэж байна. Дараа нь хохирол багатай ч тохиолдох магадлалаараа аянга орж байна. Тэгээд ган, зуд гээд үргэлжилнэ.
2025/07/09
Шинэ мэдээЭнэ сарын цаг агаарын ерөнхий төлөв
Сарын эхээр нутгийн зүүн хагаст, мөн нэгдүгээр арав хоногийн сүүлч, хоёрдугаар арав хоногийн ихэнх хугацаа болон гуравдугаар арав хоногийн эхэн үеүдэд ихэнх нутгаар хүйтэн жиндүү, салхи шуургатай, тогтворгүй цаг агаар зонхилох тул хол замд гарахдаа богино хугацааны цаг агаарын урьдчилсан мэдээг байнга авч ашиглаж, анхаарал болгоомжтой байхыг зөвлөж байна.
