Шинэ төгсөгчдөд зориулсан ажлын байранд анхан шатны мэдлэг олгох сургалтыг зохион байгууллаа
ОБЕГ-ын Гамшгаас хамгаалах сургалтын газраас ДХИС-ийн Онцгой байдлын сургуулийг төгсөж, шинээр албанд орсон алба хаагчдад зориулсан ажлын байранд анхан шатны мэдлэг олгох сургалтыг зохион байгууллаа.
Энэ үеэр байгууллагын зорилт, үйл ажиллагаа, бодлого, чиглэл, үнэт зүйлс, гал түймэр унтраах үеийн зохион байгуулалт, хөдөлмөрийн аюулгүй байдал, эрүүл ахуйн дүрэм, сэтгэлзүй, багаар ажиллах чадвар болоод хууль, журмыг холбогдох мэргэжилтнүүд танилцуулсан юм.
Сургалтаар олж авсан онолын мэдлэгийг бататгах хүрээнд НОБГ-ын Баянгол дүүргийн Онцгой байдлын хэлтсийн Гал түймэр унтраах, аврах 18 дугаар ангид тактикийн дадлагыг хийж, үүрэг гүйцэтгэх чадварыг нэмэгдүүллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/07/07
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2025/07/07
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2025/07/07
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
