Аврах ажиллагааны багаж, хэрэгслийн ашиглалтын дадлага, сургалтыг зохион байгууллаа
Онцгой байдлын ерөнхий газраас “Дөрвөлжин интернэйшнл” ХХК-тай хамтран “Аврах ажиллагааны тусгай зориулалтын багаж хэрэгслийн ашиглалтын дадлага, сургалт”-ыг ОБЕГ-ын харьяа Үндэсний аврах бригадад энэ сарын 2-3-ны өдрүүдэд зохион байгууллаа.
Сургалтад Үндэсний аврах бригад, Уул уурхайн аврах 09 дүгээр анги, нийслэлийн Аврах анги, Орхон, Төв аймгийн Онцгой байдлын газрын Эрэн хайх, аврах анги, салбарын 30 орчим аврагч хамрагдсан юм.
Швейцарийн хөгжлийн агентлагтай хамтран хэрэгжүүлж байгаа “Монгол Улсын Онцгой байдлын албаны хот дотор эрэн хайх, аврах ажиллагааны чадавхыг сайжруулах төсөл”-ийн хүрээнд зохион байгуулж тус сургалтыг Швед Улсын "Треллеборг" компанийн сургагч багш нар удирдан явууллаа.
Хот суурин газарт газар хөдлөлт, нурангиас эрэн хайх, аврах ажиллагааны өндөр даралтад хийн ажиллагаатай багаж хэрэгслийн ашиглалт, засвар, үйлчилгээний сургалтыг онол болоод дадлагаар эзэмшүүлссэн юм.
Олон улсын аврагч нарын ашиглаж байгаа тус багаж хэрэгслээр төв, орон нутгийн Онцгой байдлын байгууллагын Эрэн хайх, аврах нэгжийг үе шаттайгаар хангах ажлыг эхлүүлээд байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/07/03
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2025/07/03
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2025/07/03
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
