УОК-ын II хурлын тэмдэглэл, 01 дүгээр тогтоолын хэрэгжилтийг хангах, болзошгүй гамшиг, аюулт үзэгдлээс урьдчилан сэргийлэх, хариу арга хэмжээг шуурхай хэрэгжүүлэх, нийслэл, аймгийн шуурхай штабыг нэгдсэн удирдлага, зохион байгуулалтаар хангах үүрэг бүхий ОБЕГ-ын даргын тушаалаар Ажиллагааны удирдлагын Шуурхай штабыг байгуулан ажиллаж байна. 

Ажиллагааны шуурхай штабын даргаар ОБЕГ-ын тэргүүн дэд дарга бөгөөд штабын дарга, хурандаа Ц.Ганзориг ажиллаж, ОБЕГ, НОБГ-ын  бүтцийн нэгжийн холбогдох мэргэжилтнүүд, ЭМЯ, ХХААХҮЯ, ЗТЯ, ЦХИХХЯ, ЭХЯ, АҮЭБЯ, ЦЕГ, Ойн газар, ЦУОШГ-ын 40 орчим ажилтан, алба хаагч ажиллаж байна.

Гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм. Энэ хүрээнд ой, хээрийн түймрийн нөхцөл байдалтай уялдуулан шуурхай арга хэмжээг авч, байгууллага хоорондын уялдаа холбоог ханган ажиллаж байна.