Алба хаагчид олон улсын сургалтад хамрагдаж, мэргэжлийн ур чадвараа нэмэгдүүллээ
Австрали улсын Брисбан хотноо зохион байгуулагдсан “Уур амьсгалын өөрчлөлтөд дасан зохицох, гамшгийн эрсдэлийг бууруулах арга хэмжээг нэгтгэн хэрэгжүүлэх, эмзэг байдлыг бууруулах нь” сэдэвт богино хугацааны олон улсын сургалтад ОБЕГ-ын бүтцийн нэгжийн холбогдох мэргэжилтнүүд хамрагдлаа.
Уур амьсгалын өөрчлөлтийн нөлөөг ойлгох, гамшгийн эрсдэлийг үнэлэх, дасан зохицох болон эрсдэлийг бууруулах арга хэмжээг нэгдсэн байдлаар төлөвлөн хэрэгжүүлэх чадавхыг бэхжүүлэх зорилгын хүрээнд 8 улсын 24 төлөөлөгч оролцсон юм.
.jpg)
Оролцогчид олон улсын туршлага, үндэсний бодлого, эрх зүйн орчин, стратеги төлөвлөлт, салбар хоорондын хамтын ажиллагааны талаарх мэдлэгээ дээшлүүлж, судалгааг бодит жишээн дээр тулгуурлан танилцууллаа.
Ингэснээр алба хаагчдын гамшгийн эрсдэлийг бууруулах, уур амьсгалын өөрчлөлтөд дасан зохицсон бодлого боловсруулах, хэрэгжүүлэх үйл ажиллагааны оролцоог нэмэгдүүлж, улмаар мэргэжлийн ур чадварыг дээшлүүлэхэд чухал ач холбогдолтой гэдгээрээ онцлог байлаа.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/06/18
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/06/18
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/06/18
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
