Салбар зөвлөлийн үйл ажиллагаатай танилцаж, ахмадуудыг төрийн дээд одон, медалиар шагналаа
Монгол цэргийн нэгдсэн холбооны ажлын албаны дарга, хурандаа Ж.Ванчинсүрэнгээр ахлуулсан ажлын хэсэг Архангай аймагт ажиллаж, тус аймаг дахь салбар зөвлөлийн үйл ажиллагаатай танилцлаа.
Энэ үеэр аймгийн Иргэний хамгаалалт, байгалийн гамшигтай тэмцэх салбарт 30 жил шүхэрчин аврагчаар ажиллаж 1300 удаагийн гамшгийн болон дадлагын буулт хийсэн ахмад настан Ц.Баярааг “Цэргийн гавьяаны улаан тугийн одон”-оор, Онцгой байдлын байгууллагын ахмад ажилтан Н.Жамсранбазар, Д.Чимэдцогзол, М.Эрхэмбаяр, Г.Жаргалсайхан, Л.Батбаатар, Ч.Бямбажав, Цагдаагийн байгууллагын ахмад ажилтан, хурандаа Р.Болдбаатар нарыг “ Цэргийн гавьяаны одон”-оор тус тус шагналаа.
Шагнагдсан ахмадуудад Архангай аймгийн ИТХ-ын дарга П.Гомбодорж баяр хүргэн үг хэлж, ахмадууд залуу насны эр зоригоор ажил үүргээ хэрхэн гүйцэтгэж явсан дурсамжаа хуваалцан, дуу хоолой болон ажиллаж байгаа Монгол цэргийн нэгдсэн холбооны хамт олонд талархал илэрхийлсэн юм.
Төрийн цэргийн болон хууль сахиулах байгууллагуудад он удаан жил, үр бүтээлтэй ажиллаж байсан тэтгэвэр, чөлөөнд гарсан ахмад ажилтнуудынхаа идэвх, санаачлага, урам зоригийг сэргээж, нийгмийн идэвхтэй харилцаанд татан оролцуулах зорилгоор тэднийг төрийн одон медальд тодорхойлох, санал уламжлан шийдвэрлүүлэх ажлыг Монгол цэргийн нэгдсэн холбооноос тогтмол зохион байгуулдаг билээ.
Эх сурвалж: Монгол цэргийн нэгдсэн холбоо
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/06/18
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/06/18
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/06/18
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
