Баруун бүсийн 7 аймгийн 24 салбар нэгжийн 793 ажилтан, алба хаагчдыг эрүүл мэндийн үзлэгт хамрууллаа
ОБЕГ-ын даргын 2025 оны 05 дугаар сарын 07-ны өдрийн А/171 дүгээр тушаалаар “Онцгой байдлын байгууллагын алба хаагчдын ажиллах нөхцөл, нийгмийн баталгааг сайжруулах” хөтөлбөрийг шинэчлэн батлуулж, 2025-2028 оныг хүртэл хэрэгжүүлж байна.
Энэ хүрээнд алба хаагчдыг эрүүл мэндийн урьдчилан сэргийлэх үзлэг, эрт илрүүлэгт хамруулах ажлыг Баруун бүсийн Өвөрхангай, Баянхонгор, Говь-Алтай, Ховд, Баян-Өлгий, Увс, Завхан аймгийн Онцгой байдлын байгууллагын 24 салбар нэгжийн хүрээнд зохион байгууллаа.
Үзлэгийн багийн бүрэлдэхүүнд Онцгой байдлын ерөнхий газар, Ар талын 115 дугаар анги, Уул уурхайн аврах 09 дүгээр анги, Агаараас эрэн хайх, аврах 111 дүгээр анги, Анагаахын Шинжлэх Ухааны Үндэсний Их сургуулийн харьяа Монгол-Японы эмнэлэг, Нүүр ам судлалын эмнэлэг, Хөдөлмөрийн аюулгүй байдал, эрүүл мэндийн төвийн эмч, эмнэлгийн мэргэжилтэн нар ажилласан.
Эрүүл мэндийн урьдчилан сэргийлэх 12 төрлийн нарийн мэргэжлийн үзлэг оношлогоонд нийт 793 ажилтан, алба хаагчдыг хамруулж, тэргүүлэх чиглэлийн өвчлөлийг бууруулах урт болон богино хугацааны арга хэмжээг тухай бүрт авч хэрэгжүүллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/06/13
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/06/13
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/06/13
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
