Англи хэл, монгол бичгийн сургалтад хамрагдсан алба хаагчдад гэрчилгээ гардууллаа
Онцгой байдлын ерөнхий газар, МУИС-тай хамтран ажиллах гэрээний дагуу Онцгой байдлын байгууллагын 60 алба хаагч тус сургуульд англи хэл, монгол бичгийн ахисан төвшний сургалтад хамрагдаж, гэрчилгээгээ гардан авлаа.
ОБЕГ-ын дэд дарга, хурандаа Ц.Уранчимэг тус арга хэмжээнд оролцож хэлсэн үгэндээ “Алсын хараа-2050” хөгжлийн бодлогын хүрээнд Онцгой байдлын байгууллага хүний нөөцийн чадавхыг тасралтгүй сайжруулах, оюуны өндөр мэдлэг боловсролтой, чадварлаг, мэргэжлийн ур чадвартай алба хаагчдыг бэлтгэх хөтөлбөр боловсруулан ажиллаж байна. Төрийн албан хэрэг хөтлөлтийг 2025 оноос монгол бичгээр хөтлөх болсон нь монгол хэл, бичигт зайлшгүй суралцах шаардлага үүсэж байна. Мөн Онцгой байдлын байгууллага ОХУ, БНСУ, БНХАУ, БНПУ, Франц, Турк, АНУ зэрэг гадаад хамтын ажиллагаа өдрөөс өдөрт өргөжин тэлж олон улсын хамтарсан дадлага сургууль болон мэргэжил дээшлүүлэх академи, курсуудэд хөтөлбөрт хамрагдахад алба хаагчдыг англи хэл байх зайлшгүй шаардлагыг бий болгож байна. Энэхүү сургалтыг оновчтой төлөвлөн, зохион байгуулсан МУИС-ийн удирдлага, эрдэмтэн доктор, профессор, багш сурган хүмүүжүүлэгч та бүхэндээ ОБЕГ-ын даргын зөвлөлийн гишүүдийн нэрийн өмнөөс болон хувиасаа талархал илэрхийлье” гэлээ.
Тус сургалт нь алба хаагчдын үүрэг гүйцэтгэх чадавхыг дээшлүүлэх, олон улсын сургалт, дадлагад хамрагдах боломжийг бүрдүүлж, албаны бэлтгэл, бэлэн байдлыг нэмэгдүүлэх ач холбогдлыг бий болгож байгаа гэдгээрээ онцлог юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/05/29
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/05/29
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/05/29
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
