Сургалт, дадлагын хүрээнд алба хаагчид мэргэжлийн ур чадвараа сорьлоо
Нийслэлийн хүрээний Онцгой байдлын байгууллага, анги, салбар, нэгжийн дуудлага хүлээн авагч, аврагч-жолооч, холбоочдын сургалт, дадлагын хүрээнд мэргэжлийн ур чадвар, хурд, хүч, авхаалж самбаа, оюун ухааныг сорьсон буухиа тэмцээнийг алба хаагчдын дунд зохион байгууллаа.
Сургалтад хамрагдсан алба хаагчид 8 багт хуваагдан, эрэн хайх ажиллагаа, холбооны техник хэрэгслийн бэлтгэл бэлэн байдал, мэдээллийн технологийн үйл ажиллагааг хангах, байнгын болон гамшиг, ослын үед холбоо зохион байгуулах, агаараас тандалт хийх, сүлжээний гэмтэл саатлыг илрүүлэх, засварлах, сүлжээний холболт хийх гэсэн 6 цэгт даалгаврыг гүйцэтгэсэн юм.
Нийлбэр дүнгээр “Цасан цагаан холбоочид” баг тэргүүлж, хоёрдугаар байрт “Жанчивын холбоочид” баг, гуравдугаар байрт “Эр зориг” баг шалгарснаар тэмцээний ивээн тэтгэгч “Юнител”, Прогрид системс”, “Өлзий электроник” ХХК-ийн шагналын эзэд боллоо.
Тус тэмцээн багийн гишүүн бүрийн оролцоо, алба хаагчдын эв нэгдэл, хамтын хүч, харилцаа холбоо, мэдээллийн технологийн чиглэлийн мэргэжлийн ур чадвар, авхаалж самбаа, цэргийн дүрэм болон биеийн тамирын бэлтгэлжилт зэргийг нэгэн зэрэг шалгасан цогцолбор тэмцээн болсноороо онцлог юм.
Цаашид алба хаагчдын харилцаа холбоо, мэдээллийн технологийн чиглэлийн мэргэжлийн ур чадварыг сайжруулах зорилгоор байгууллагын хэмжээнд хоёр жил тутамд “Холбоочдын цогцолбор буухиа тэмцээн”-ийг зохион байгуулахаар төлөвлөж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/05/17
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/05/17
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/05/17
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
