Грект цунамийн түгшүүр зарлажээ
Грекийн Касос арлын ойролцоо хүчтэй газар хөдөлсний дараа далайн эргээс хол байхыг Онцгой байдлын албанаас оршин суугчдад анхааруулжээ.
“Касосоос 48 км-ийн зайд 5.9 магнитудын хүчтэй газар хөдөлсөн. Тус бүс нутагт цунамийн аюул нүүрлэх эрсдэлтэй байна. Далайн эрэг орчмын бүсийг яаралтай орхин явна уу” гэж Уур амьсгалын хямрал, иргэний хамгаалалтын яамнаас мэдэгдсэн байна.
Нийт 1000 орчим хүн амтай Касос хэмээх жижиг арал нь Эгийн тэнгист Крит, Родос арлуудын дунд оршдог. Газар хөдлөлтийн голомт 83 км-ийн гүнд байсан гэж Германы геологийн шинжлэх ухааны судалгааны төвөөс мэдээлжээ. Тус агентлаг газар хөдлөлтийг 6.3 магнитудын хүчтэй байсан гэж хэмжсэн нь Грекийн эрх баригчдын мэдээлснээс өндөр байна.
Газар хөдлөлтийн чичирхийлэл Израил болон Туркийн баруун өмнөд хэсэгт мэдрэгджээ. Египетийн Одон орон, геофизикийн үндэсний судалгааны хүрээлэнгийн мэдээлснээр, 6.4 магнитудын хүчтэй газар хөдлөлт Египетийн иргэдэд мэдрэгдсэн ч хүний амь нас эрсдээгүй, эд хөрөнгөд хохирол учраагүй байна.
Грек нь хэд хэдэн хагарлын шугам дээр оршдог тул үе үе газар хөдөлдөг. Афины их сургуулийн газар хөдлөлт судлалын лабораторийн мэдээлснээр, нэгдүгээр сарын 26-наас хоёрдугаар сарын 13-ны хооронд Кикладын арлуудын орчимд, түүний дотор жуулчдын очих дуртай Санторини арлын ойролцоо гол төлөв бага магнитудын хүчтэй 18 400 гаруй удаагийн газар хөдлөлт бүртгэгдсэн байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/05/14
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/05/14
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/05/14
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
