Хоёр талын уулзалтаар хамтын ажиллагааны талаар хэлэлцлээ
ОБЕГ-ын дарга, хошууч генерал Г.Ариунбуян Япон Улсаас Монгол Улсад суугаа Онц бөгөөд бүрэн эрхт Элчин сайд ноён Игавахара Масарүтэй уулзаж, хоёр орны гамшгаас хамгаалах салбарын хамтын ажиллагааны талаар санал солилцлоо.
Хошууч генерал Г.Ариунбуян энэ үеэр гамшгийн эрсдэлийг бууруулах бодлого боловсруулах, газар хөдлөлтийн гамшгаас урьдчилан сэргийлэх чадавхыг сайжруулах, Онцгой байдлын байгууллагын техник хэрэгслийн хүртээмжийг нэмэгдүүлэх, хүний нөөцийг чадавхжуулахад Япон Улсын оруулсан хувь нэмрийг өндрөөр үнэлж байгаагаа онцлон тэмдэглэсэн юм.
Мөн тэрбээр Япон Улсын Засгийн газар, Японы ард түмэн, Япон Улсаас Монгол Улсад суугаа Элчин сайдын яам болон Японы Олон улсын хамтын ажиллагааны байгууллагад (ЖАЙКА) талархал илэрхийллээ.
Уулзалтаар талууд улсын нөөцийн хүнсний бараа, материал болон газрын тосны бүтээгдэхүүний агуулах байгуулах төсөл хэрэгжүүлэх, Япон Улсын гамшгаас эрт сэрэмжлүүлэх, зарлан мэдээлэх, хиймэл дагуулын тандалт, газарзүйн мэдээллийн систем, газар хөдлөлтийн эрсдэлийн судалгаа, мониторингийн дэвшилтэт технологийг ашиглах талаар болон Онцгой байдлын байгууллагын алба хаагчдыг тус улсад нарийн мэргэжлээр сургах асуудлаар хэлэлцлээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/05/13
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/05/13
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/05/13
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
