“Улсын нөөц-60 жил” сэдэвт эрдэм шинжилгээний бага хуралд оролцохыг урьж байна
ОБЕГ-ын Улсын нөөцийн газар, Гамшиг судлалын үндэсний хүрээлэн, ДХИС-ийн Онцгой байдлын сургууль, мөн сургуулийн Эрдэм шинжилгээний хүрээлэнгийн Гамшиг судлалын төв хамтран “Улсын нөөц-60 жил” сэдэвт эрдэм шинжилгээний хурлыг 2025 оны 06 дугаар сарын зургадугаар сарын 18-нд зохион байгуулна.
Улсын нөөцийн эрх зүйн орчин, бараа материалын бүрдүүлэлт, хадгалалт, логистикийн чиглэлээр шинжлэх ухааны үндэстэй судалгаа, эрдэм шинжилгээний ажлыг идэвхжүүлэх, үр дүнг үйл ажиллагаанд хэрэгжүүлэх, инновац, нэвтрүүлэх, харилцан туршлага, мэдээлэл солилцох, хамтын ажиллагааг өргөжүүлэх, улсын нөөцийн чадавхыг бэхжүүлэхэд судалгаа эрдэм шинжилгээний үндэстэй дэмжлэг үзүүлэх зорилготой тус хуралд оролцогчдын материалыг зургадугаар сарын 09-ний өдрийн 12:00 цаг хүртэл kh.tserenpil@nema.gov.mn цахим хаягаар хүлээн авна.
Тус эрдэм шинжилгээний бага хуралд улс, орны аюулгүй байдлын чиглэлээр судалгаа хийж байгаа их, дээд сургуулиуд, эрдэм шинжилгээний хүрээлэн, судалгааны төвүүд, судлаачид, ахисан түвшний суралцагчид болон Онцгой байдлын байгууллагын алба хаагчид оролцох боломжтой.
Дэлгэрэнгүй мэдээллийг энд дарж үзнэ үү.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/05/13
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/05/13
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/05/13
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
