Онцгой байдлын ерөнхий газар, Юнител группын хамтын ажиллагааны хүрээнд “Univision” үйлчилгээний “Home” хэсгийн Entertainment цэсэнд “Бэлэн бай”, “Аврагч мазаалай” видео хичээлийг байршуулаад байна.

Тус видео контент нь бүх насныханд зориулагдсан бөгөөд Монгол улсад зонхилон тохиолддог гамшиг, аюулт үзэгдлийн улмаас урьдчилан сэргийлэх анхан шатны мэдлэг, мэдээллийг олгох юм.

Онцгой байдлын байгууллагын https://belenbai.mn/ сайтад газар хөдлөлт, гал түймэр, ой, хээрийн түймэр, үер, шуурга, зуд гэсэн зургаан төрлийн гамшиг, ослын өмнө, үед, дараа авч хэрэгжүүлэх үйл ажиллагааг төрөлжүүлэн, олны хүртээл болгоод байна.