“Уулын болон усны сургалт”-ын төвийг байгуулж, салбар бүрт бүтээн байгуулалтын ажлыг өрнүүллээ
Он гарсаар Говь-Алтай аймгийн Онцгой байдлын газрын алба хаагчид 61 удаагийн гамшиг, аюулт үзэгдэл, ослын дуудлагаар ажиллаж, 516 хүний амь нас, 2.5 тэрбум төгрөгийн өмч хөрөнгийг авран хамгааллаа.
Ерөнхий боловсролын сургуулийн II улирлын бие даалтын 7 хоногийг “Аюулгүй амьдрах ухаан” сургалтын хөтөлбөрийн хүрээнд зохион байгуулсантай холбогдуулан төвийн 5 сургуулийн 1258 сурагчдад сургалтыг зохион байгуулсан.
Аймгийн хэмжээнд гамшгийн эрсдэлийн үнэлгээ, ерөнхий боловсролын 2 сургуульд байгууллагын чадавхын үнэлгээ, уул уурхайн компани, шатахуун түгээх 3 станцад эрсдэлийн нарийвчилсан үнэлгээ, 3 суманд олон нийтийн оролцоотой гамшгийн эрсдэлийн үнэлгээг тус тус хийхээр төлөвлөн, хэрэгжилтийг ханган ажиллаж байна.
Алба хаагчдын мэргэжлийн ур чадварыг нэмэгдүүлэх, шинээр томилогдсон алба хаагчдыг сургаж, дадлагажуулах хүрээнд “Уулын болон усны сургалт”-ын төвийг байгуулсан.
Мөн ажиллах орчин нөхцлийг бүрдүүлэх хүрээнд анги салбар бүрт бүтээн байгуулалтын ажлыг хийсэн гэдгийг ОБЕГ-ын дарга, хошууч генерал Г.Ариунбуянд танилцууллаа.
Хошууч генерал Г.Ариунбуян энэ үеэр Онцгой байдлын байгууллагын стратегитэй хөгжлийн бодлого, хөтөлбөр, дэвшүүлсэн зорилт үйл ажиллагаа, техник хэрэгслийг нэмэгдүүлэх хүрээнд хэрэгжиж байгаа төсөл, хөтөлбөрүүдийг танилцуулсан юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/04/17
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2025/04/17
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2025/04/17
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
