Тайландын Хаант Улсын Наресуаны их сургуульд “Гамшгийн удирдлага” магистрын тэтгэлэгт 2 жилийн хөтөлбөрт Онцгой байдлын байгууллагын доорх шалгуурыг хангасан алба хаагчдыг сонгон шалгаруулалтад оролцохыг урьж байна.

Онцгой байдлын байгууллагад 3-аас доошгүй жил ажилласан;

Гамшгаас хамгаалах алба, Онцгой байдлын ажил мэргэжилтэй эсвэл инженер, шинжлэх ухааны бакалавр зэрэгтэй байх;

30 хүртэлх насны;

Англи хэлний дунд түвшний мэдлэгтэй байх;

Суралцах хүний тоо 2;

1. Наресуаны их сургууль нь суралцахаар сонгогдсон алба хаагчид дараах боломжийг олгоно.

1.1.  Монголоос Тайланд руу очих болон буцах үеийн нислэгийн тасалбар;

1.2. Сургалтын  төлбөрөөс чөлөөлөгдөнө;  (Тэтгэлэг авагч өөрөө төлөх шаардлагатай боловсролын зарим төлбөр байдаг гэдгийг анхаарна уу)

1.3. Кампус дотор байрлах байр болон байртай холбогдсон хэрэглээний зардал;

1.4. Эрүүл мэндийн даатгал;

1.5. Сарын тэтгэмж 6000.-bht (610,000 MNT);

1.6. Тайландын ED бус визний мэдүүлэг болон виз сунгахтай холбогдох зардал;

1.7. Хичээлийн жилд зориулсан сургалтын материалд 8000.-bht (815,000 MNT);

1.8. Дипломын ажлын саналын хураамж, диссертаци хамгаалах нэг удаагийн хураамж;

2. Онцгой байдлын ерөнхий газраас суралцахаар сонгогдсон алба хаагчид дараах боломжийг олгоно.

2.1. Суралцах хугацаанд Онцгой байдлын байгууллагад төрийн тусгай алба хаасан хугацаа тасалдахгүй.

2.2. Албан тушаалын цалин хөлсийг суралцах хугацаанд олгоно.

Сонгон шалгаруулалтад хамрагдах хүсэлтэй алба хаагчид доорх материалыг бүрдүүлэн 2025 оны 04 дүгээр сарын 17-ны өдрийн дотор Бодлого төлөвлөлтийн газрын Гадаад хамтын ажиллагааны хэлтэс (for.rel@nema.gov.mn, 263567)-т цахимаар болон шуудангаар ирүүлнэ үү.  

Бүрдүүлэх материал:

1. Харьяа нэгжийн дарга, захирагчийн алба хаагчийг суралцуулахыг дэмжсэн албан бичиг
2. Төрийн алба хаагчийн анкет
3. Алба хаагчийн суралцах хүсэлт /өргөдөл/
4. Англи хэлний мэдлэгийн тодорхойлсон баримт бичиг /TOEFL, IELTS-ны оноо болон бусад сертификат/.

Жич:Хугацаа хоцорсон материалыг хүлээн авахгүй.

ОНЦГОЙ БАЙДЛЫН ЕРӨНХИЙ ГАЗАР