Дархан-Уул аймгийн Онцгой байдлын газраас сурагчдын бие даалтын долоо хоногийг “Аюулгүй  амьдрах ухаан” сургалтын хөтөлбөртэй уялдуулан зохион байнгуулсантай холбогдуулан  ерөнхий боловсролын 21 сургуулийн 1260 сурагчдад танхимын сургалт, дадлага, алба сурталчлах арга хэмжээнд ерөнхий боловсролын сургуулийн нийт 2500 гаруй сурагчийг хамрууллаа.

Гамшгийн эрсдэлийг бууруулах орон нутгийн зөвлөлийн 2025 оны төлөвлөгөөнд тусгагдсан ажлын хэрэгжилтийг хангах, улирлын онцлогт тохируулан аймгийн хэмжээнд "Түймэргүй төрх-Бидний хариуцлага”  нөлөөллийн аяныг зохион байгуулж, ард иргэдэд ой, хээрийн түймрээс урьдчилан сэргийлэх мэдээ, мэдээллийг хүргэж байна.

Аймгийн хэмжээнд зуд, шар усны үер, ой, хээрийн түймэр, хүчтэй салхи шуурга гэсэн гамшгийн дөрвөн төрлөөр эрсдэлийн ерөнхий үнэлгээг хийж гүйцэтгэхэд дунд эрсдэлтэй буюу шар түвшинд үнэлэгдсэн бол ерөнхий боловсролын сургууль болон цэцэрлэгийн  байгууллагын нийт 70 барилга байгууламж, сууц өмчлөгчдийн холбоодын 280 барилга байгууламжид гамшгийн эрсдэлийн ерөнхий үнэлгээ хийж, эрсдэлээс урьдчилан сэргийлэх төлөвлөлтийг боловсруулж, хэрэгжилтийг хангах талаар заавар, зөвлөмж өгч ажилласан.

Алба хаагчдын нийгмийн асуудлыг шийдвэрлэх, ажиллах орчин нөхцлийг бүрдүүлэх хүрээнд шат дараатай арга хэмжээг үе шаттайгаар хэрэгжүүлж, бүтээн байгуулалтын олон талт ажлыг өрнүүлж байгааг ОБЕГ-ын дарга, хошууч генерал Г.Ариунбуянд танилцууллаа.

Хошууч генерал Г.Ариунбуян аймгийн Онцгой байдлын газар, анги, салбаруудтай танилцаж, алба хаагчидтай уулзалт хийх үеэрээ байгууллагын бодлого, үйл ажиллагаа, цаашид хэрэгжүүлэх арга хэмжээний талаар мэдээлэл өгсөн юм.