Завхан аймгийн Онцгой байдлын газраас нийслэлийн Хан-Уул дүүргийн Улаан загалмайн хороотой хамтран “Анхан шатны тусламж үзүүлэх” сургалтыг зохион байгууллаа.

Гамшиг осол, гэмтлийн үед алба хаагчдын анхан шатны тусламж үзүүлэх мэдлэг, чадварыг дээшлүүлэх зорилгоор энэ сарын 03-04-ний өдрүүдэд болсон тус сургалтад хамрагдсан алба хаагчдад гэрчилгээ олгосон юм.

Сургалтаар анхны тусламжийн үндэс, цус алдалтыг зогсоох, амьсгалын зам чөлөөлөх, амилуулах суурь тусламж, гэмтэл түлэгдэлт, ясны хугарал, хордлого зэрэг сэдвийн хүрээнд мэдлэг олголоо.