БНСУ-ын Гал түймэртэй тэмцэх ерөнхий газрын Гал түймэртэй тэмцэх тоног төхөөрөмжийн хэлтсийн даргын үүргийг гүйцэтгэгч Жон Гван Бук тэргүүтэй төлөөлөгчид “Гамшгийн хариу арга хэмжээ ба яаралтай тусламжийн чадавхыг бэхжүүлэх дэлхийн сургалтын хөтөлбөр”-ийн хүрээнд урьдчилсан судалгаа хийх айлчлалыг энэ сарын 01-03-ны өдрүүдэд ОБЕГ-т хийлээ.

Энэ хүрээнд ОБЕГ-ын Гал түймэртэй тэмцэх газрын дарга, хурандаа Ц.Нямбаяртай уулзалт хийж, байгууллагын цаашдын хамтын ажиллагаа болон алба хаагчдыг чадавхжуулах талаар хэлэлцэж, хамтарсан сургалтуудыг зохион байгуулахаар тохиролцсон юм.

Мөн ОБЕГ-ын харьяа 116 дугаар анги, НОБГ-ын Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, Төв аймгийн Онцгой байдлын газрын үйл ажиллагаатай танилцлаа.