ОБЕГ-ын Гамшгаас хамгаалах сургалтын газар, Улсын нөөцийн газраас нийслэлийн хүрээний улсын нөөцийн анги, салбарын алба хаагчдад зориулсан сургалт, хэлэлцүүлгийг  03 дугаар сарын 31-04 дүгээр сарын 01-ний өдрүүдэд Үндэсний аврах бригадад зохион байгууллаа.

Сургалтад 185, 179, 112 дугаар ангийн алба хаагчид хамрагдсан бөгөөд ОБЕГ-ын дэд дарга, хурандаа Я.Гантөмөр оролцож, амжилт хүслээ.

Үндэсний батлан хамгаалах их сургуулийн тэнхимийн дарга, аюулгүй байдал судлалын докторант Д.Оюунцэцэг "Үндэсний сөрөн тэсвэрлэх стратеги, олон улсын туршлага, санал" сэдвээр мэдээлэл өгч, хөдөлмөрийн аюулгүй байдал, эрүүл ахуйн бодлого, зохион байгуулалт, шатахуун, хүнс, өвс тэжээлийн хадгалалт, хамгаалалтын талаар холбогдох мэргэжилтнүүд илтгэл танилцуулж, хэлэлцүүлэг өрнүүлсэн юм.

Мөн сургалтын хүрээнд гар бөмбөгийн нөхөрсөг тэмцээнийг зохион байгуулж, ОБЕГ-ын харьяа Үндэсний аврах бригадын үйл ажиллагаа, ашиглаж байгаа тоног төхөөрөмж, техник хэрэгсэлтэй танилцлаа.