Харилцан ажиллагааг жигдрүүлж, хамтран ажиллах уялдаа холбоог тодотголоо
Уур амьсгалын өөрчлөлтөөс үүдэн бэлчээрийн ургамлын гарц багасаж, малын тарга тэвээргэ муудаж шилжилт хөдөлгөөн ихэссэнтэй холбогдуулан малын гоц халдварт өвчин тархах эрсдэл нэмэгдэж байгаа учраас Мал эмнэлгийн байгууллагын бэлтгэл бэлэн байдлыг хангах, хариу арга хэмжээг зөв оновчтой төлөвлөх, нэгдсэн удирдлага зохицуулалтаар хангах зорилгоор Онцгой байдлын ерөнхий газраас Мал эмнэлгийн ерөнхий газарт энэ сарын 26-28-ны өдрүүдэд Гамшгаас хамгаалах команд штабын сургуулийг зохион байгууллаа.
Дадлага сургуулийн хүрээнд бодит нөхцөл байдалд нийцүүлэн боловсруулсан цагийн байдлын дагуу хариу арга хэмжээг зөв оновчтой төлөвлөх, мэдээ мэдээлэл солилцох, бусад яам агентлагтай харилцан ажиллагааг зохион байгуулах штабын дадлагыг хийж, харилцан ажиллагаагаа жигдрүүлсэн юм.
Мөн цагийн байдлын дагуу авч хэрэгжүүлсэн арга хэмжээний хүрээнд Орхон, Ховд, Дорноговь, Булган аймагт малын гоц халдварт өвчний үеийн дууриалган үзүүлэх дадлага хийлээ.
Ингэснээр улсын хэмжээнд Мал эмнэлгийн байгууллага хоорондын харилцан ажиллагаа тодорхой болж, бие бүрэлдэхүүний бэлтгэл бэлэн байдал дээшилж, ҮАБЗ, Гамшгаас хамгаалах улсын алба, төрийн цэргийн болон хууль сахиулах байгууллагын харилцан хамтын ажиллагааг тодотгосон гэдгээрээ онцлог байлаа.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/03/28
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/03/28
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/03/28
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
