Уснаас эрэн хайх, аврах ажиллагааны сургалт, дадлагын төвийг энэ онд ашиглалтад оруулна
ОБЕГ-ын дарга, хошууч генерал Г.Ариунбуян Говьсүмбэр аймгийн Онцгой байдлын газар, анги, салбаруудын үйл ажиллагаатай танилцаж, алба хаагчидтай уулзалт хийлээ.
Говьсүмбэр аймгийн хэмжээнд өнгөрсөн онд 29 удаагийн гал түймрийн дуудлага бүртгэгдэж, 10 тэрбум төгрөгийн эд хөрөнгийг авран хамгаалсан бол он гарсаар 9 удаагийн дуудлагаар үүрэг гүйцэтгэж, 1,8 тэрбум төгрөгийн эд хөрөнгийг авран хамгааллаа.
“Хаялага нуур”-ыг түшиглэн уснаас эрэн хайх, аврах ажиллагааны сургалт, дадлагын төвийн байгуулах газрыг “Сүмбэр” сумын ИТХ-аар шийдүүлж, орон нутгийн болон улсын хөрөнгө оруулалтаар төсвийг шийдвэрлүүлэн, 2025 онд ашиглалтад оруулахаар ажиллаж байна.
Албаны бэлтгэл, бэлэн байдлыг дээшлүүлэх хүрээнд Онцгой байдлын ерөнхий газраас улсын төсвийн хөрөнгө оруулалтаар тусгай зориулалтын хүн тээврийн автомашиныг хүлээн авч, Хөдөлгөөнт удирдлагын байрыг орон нутгийн төсвөөр шинээр тохижуулан,Гамшгийн эрсдэлийг бууруулах орон нутгийн зөвлөлөөс 17 сая төгрөгийн үнэ бүхий 10 км зайнаас удирдах боломжтой чанга яригч, өндөр нягтаршил бүхий камертай нисгэгчгүй нисэх төхөөрөмийг хүлээн авснаар урьдчилан сэргийлэх болон эрэн хайх аврах ажиллагаанд ашиглаж байна.
Алба хаагчдын ажиллах орчин, нийгмийн баталгааг хангах ажлын хүрээнд бүтээн байгуулалтын ажлуудыг үе шаттайгаар зохион байгуулж байгааг Говьсүмбэр аймгийн Онцгой байдлын газрын дарга, хурандаа А.Алтанбагана мэдээллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/03/20
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/03/20
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/03/20
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
