Хойд Македоны шөнийн клубт гал гарч, 59 хүн нас барав
Хойд Македоны Кокани хотод байрлах "Pulse" нэртэй шөнийн цэнгээний газарт Ням гаригийн үүрээр гал гарснаар 59 хүн амиа алдаж, 150 гаруй хүн шархаджээ. Амиа алдагсдын гурав нь, шархадсан хүмүүсийн 20 гаруй нь насанд хүрээгүй байжээ.
Тус шөнийн цэнгээний газар нь үйл ажиллагаа эрхлэх зөвшөөрөлгүй байсныг Хойд Македоны Дотоод хэргийн яамны сайд Панс Тосковский мэдэгдлээ. Үйл ажиллагаа эрхлэх хууль бус зөвшөөрлийг Эдийн засгийн яамнаас олгосон байна. Тиймээс буруутай этгээдүүд нь аль байгууллагын, ямар түвшний, ямар намын хэн ч байсан хариуцлагаа хүлээх болно гэдгийг ерөнхий сайд Христижан Микоски хэллээ.
Амьд хөгжмийн тоглолт үзэхээр тухайн шөнө 500 орчим хүн тэнд цугласан байсан. Хамтлаг ид тоглолтоо толилуулж байх үед гал түймэр дээврийн хэсгээс гарч эхэлсэн байна. Гэвч тэндээс гарах цорын ганц гарц байсан руу нь олон зуун хүн шахцалдан дайрч, ихэнх нь гарч чадалгүй гацсанаар Хойд Македоны түүхэнд сүүлийн жилүүдэд гараагүй эмгэнэлт явдал болов.
Эмгэнэлт явдал болсон тул Хойд Македон даяар долоо хоногийн гашуудал зарлав. Түүнчлэн Европын комиссын тэргүүн Урсула фон дер Лейен, Ромын пап Франциск тэргүүтэй дэлхийн удирдагчид эмгэнэл илэрхийлж байна.
Эх сурвалж: News.mn
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/03/17
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/03/17
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/03/17
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
