ОБЕГ-ын Эрсдэлийн удирдлагын газрын дарга, хурандаа Д.Баасансүрэн Дундговь аймгийн Гамшгийн эрсдэлийг бууруулах орон нутгийн зөвлөлийн гишүүдийг чадавхжуулах сургалтад оролцлоо.

Сургалтын хүрээнд гамшгийн үеийн хамтын ажиллагаа, уялдаа холбоо, бүс, орон нутгийн гамшгийн эрсдэлийг бууруулах чадавхыг дээшлүүлэх, гамшигт тэсвэртэй орон нутгийг бий болгох, гадаад улсын туршлагыг хуваалцаж, гамшгийн эрсдэлийн үнэлгээнд тулгуурлан гамшгийг хэрхэн хохирол багатай даван туулах талаар мэдээлэл өгсөн юм.

Дундговь аймгийн Гамшгийн эрсдэлийг бууруулах орон нутгийн зөвлөл нь 2025 онд дөрвөн чиглэлийн хүрээнд 34 арга хэмжээг хийхээр төлөвлөн, хэрэгжилтийг ханган ажиллаж байна.