Зүүн бүсийн Гал түймэр унтраах, аврах ангийн салааны захирагч нарын сургалтыг зохион байгуулав
ОБЕГ-ын Гамшгаас хамгаалах сургалтын газар, Гал түймэртэй тэмцэх газар болон Сүхбаатар аймгийн Онцгой байдлын газар хамтран зүүн бүсийн аймгуудын Гал түймэр унтраах, аврах ангиудын салааны захирагч, салааны захирагчийн туслах нарын сургалтыг тус аймагт зохион байгууллаа.
Энэ сарын 24-26-ны өдрүүдэд болсон сургалтад Дорнод, Сүхбаатар, Хэнтий аймгийн Онцгой байдлын газрын Гал түймэр унтраах, аврах ангиудын салааны захирагч, салааны захирагчийн туслах нарын 30 алба хаагч хамрагдсан юм.
ОБЕГ-ын дэд дарга, хурандаа Ц.Уранчимэг сургалтын нээлтийн ажиллагаанд оролцож, албаны бодлогыг танилцууллаа.
Алба хаагчдад “Ой, хээрийн гал түймэртэй тэмцэх үйл ажиллагаа, анхаарах асуудал”, “Гал түймэр унтраах үед хөдөлмөрийн аюулгүй байдал эрүүл ахуйг хангуулах асуудал”, "Алба хаагчдын сэтгэл зүйн байдал, шинээр томилогдсон алба хаагчидтай ажиллах ур чадвар”, “Зүүн бүст зонхилон гарч буй объектын гал түймрийн нөхцөл байдал анхаарах асуудал” зэрэг бүс нутгийн газар зүйн онцлог, зонхилон тохиолддог гамшиг, осол , аюулт үзэгдлийн нөхцөл байдал дээр тулгуурлан танилцуулга мэдээлэл хийлээ.
Мөн тактикийн дадлага сургалт зохион байгуулах, дуурайлган үзүүлэх сургалт, мэргэжлийн мэдлэг шалгах шүүлэг, утаатай орчинд гал түймэр унтраах, хайгуулын ажиллагаа зохион байгуулах, амьсгалын бие даасан төхөөрөмжтэй ажиллах дадлага сургалтыг зохион байгуулж, харилцан мэдлэг, мэдээллээ хуваалцлаа.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/02/26
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/02/26
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/02/26
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
