Г.Ариунбуян: Хөдөлмөрийн аюулгүй ажиллагаа, мэргэжлийн ур чадвар дээр анхаарч ажиллаарай
Монгол Улсын Засгийн газраас “Аймгийн төвөөс бусад суманд тасралтгүй тав болон түүнээс дээш жил ажилласан онцгой байдлын байгууллагын алба хаагчид таван жил тутамд 30 сарын үндсэн цалинтай тэнцэх хэмжээний мөнгөн урамшууллыг олгох” журмыг 2022 онд баталсан. Журмын дагуу 2023-2024 онд Онцгой байдлын байгууллагын хэмжээнд 512 алба хаагчид нийт 11.6 тэрбум төгрөгийг олгосон байна.
Түүнчлэн Онцгой байдлын ерөнхий газраас алба хаагчдаа гадаад, дотоодын их дээд сургууль, академид сургаж бэлтгэх, мэргэшүүлэх чиглэлээр анхаарч ажиллаж байна. Тухайлбал, Өмнөговь аймгийн Онцгой байдлын газраас ДХИС-ийн бакалаврын хөтөлбөрт 2, магистрын хөтөлбөрт 9 алба хаагч, нийт 11 алба хаагч хамрагдсан байна. Мөн гадаад улс оронд болсон богино хугацааны сургалт, семинарт 6 алба хаагч хамрагдаж мэдлэг, туршлагаа, ур чадвараа дээшлүүлжээ.
Энэ талаар Онцгой байдлын ерөнхий газрын дарга, хошууч генерал Г.Ариунбуян Өмнөговь аймгийн Гурвантэс сум дахь ГТУА-67 дугаар анги, Улсын нөөцийн 114 дүгээр салбарт ажиллаж, алба хаагчидтай уулзалт хийх үеэрээ онцолсон юм.
Мөн “Та бүхэн эв нэгдэлтэй байгаарай. Нэгэндээ хүндэтгэлтэй хандаарай. Бидний алба маш их эрсдэлтэй. Гал, гамшиг, гашуун зовлонгийн түрүүнд явдаг. Та бүхний нуруун дээр, та бүхний мэдлэг, чадвар дээр ард түмний амар амгалан байдал, амь нас, эрүүл мэнд оршдог. Тийм учраас хөдөлмөрийн аюулгүй ажиллагаа, мэргэжлийн ур чадвар дээр байнга анхаарч ажиллаарай. Би чадна гэж эрдэж болохгүй шүү” хэмээн захилаа.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/02/20
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/02/20
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/02/20
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
