“Цагаан сар-Монгол түмний уламжлалт их баяр” тэмцээнд Онцгой байдлын байгууллагаас хоёр баг оролцож байна
ЦДБЭЧ, БХЯ, ЗХЖШ-тай хамтран Төрийн цэргийн болон хууль сахиулах байгууллагуудын дунд “Цагаан сар-Монгол түмний уламжлалт их баяр” тэмцээнийг 21 дэх жилдээ амжилттай зохион байгуулж байна.
Монголын үндэсний өв их соёлыг түгээн дэлгэрүүлэх, монгол ахуй, ардын уламжлалт ёс заншлыг танин мэдүүлэх, нэгтгэл, анги, байгууллагуудын хамтын ажиллагааг өргөжүүлэх, иргэн-цэргийн харилцааг бэхжүүлэх зорилготой тус тэмцээнд энэ жил Архангай, Баянхонгор, Дорнод, Говь-Алтай, Сүхбаатар, Хэнтий, Орхон, Өмнөговь зэрэг аймгийн Төрийн цэргийн болон хууль сахиулах байгууллагын нийт 26 ангийн 156 алба хаагч оролцож ур чадвар, авьяас билэгээ сорин өрсөлдөнө.
Гурав дахь өдрөө үргэлжилж буй тус тэмцээнд Онцгой байдлын ерөнхий газрын харьяа Үндэсний аврах бригад, Багануур дүүргийн Онцгой байдлын хэлтсийн нийт хоёр баг оролцож байна.
“Цагаан сар-Монгол түмний уламжлалт их баяр” тэмцээний оролцогчид уламжлал ёсоор “Мэндчилгээ”, “Заавал дуулах дуу”, “Оньсон тоглоомоор наадах”, “Монгол ардын дуу”, “Гэсэрийн тууж” болон “Цэргийн сэдэвт дууг хэн сайн мэдэх вэ?” гэсэн зургаан төрлөөр өрсөлдөж шилдгүүдээ тодруулах юм.
Энэ жилийн тэмцээний онцлог нь анх удаа “Шилдгийн шилдэг оролцогч”-ийг тодруулж, Монголын түүх соёл, уран зохиолын гайхамшигт дурсгал, мөнхөд эрхэмлэн дээдлэх “Монголын нууц товчоо” болон үндэсний бахархал, үнэт өв соёлын дээж морин хуур хөгжмийг гардуулах юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/02/19
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/02/19
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/02/19
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
