Цахим сургалтаар үнэлгээний аргачлал, тэргүүлэх чиглэлийн хүрээнд мэдлэгээ нэмэгдүүллээ
НҮБ-ын Гамшгийн эрсдэлийг бууруулах Ази, Номхон далайн бүсийн газраас зохион байгуулсан “Хотуудын гамшгийг тэсвэрлэх чадавхыг үнэлэх онооны арга”-ын сэдэвт цахим сургалтад төв, орон нутгийн Онцгой байдлын байгууллагын гамшгийн эрсдэлийн удирдлага, үнэлгээ хариуцсан мэргэжилтнүүд хамрагдаж, үнэлгээний аргачлал, 10 тэргүүлэх чиглэлийн хүрээнд мэдлэг, ойлголтоо нэмэгдүүллээ.
Сургалтад бүс нутгийн 400 гаруй хүн оролцсон бөгөөд үнэлгээний аргачлал танилцуулахаас гадна НҮБ-ын “Жишиг хот”-оор шалгарсан БНСУ-ын Инчёон, Филлипинийн Макати хотууд гамшгийн эрсдэлийг бууруулах үйл ажиллагааны туршлагаасаа хуваалцсан юм.
НҮБ-ын Гамшгийн эрсдэлийг бууруулах газраас дэлхийн хотуудын гамшигтай тэмцэх чадавхыг бий болгох, бэхжүүлэх зорилгоор “Аюулгүй, гамшигт тэсвэртэй хотыг бий болгох нь” санаачилгыг хоёр үе шаттайгаар хэрэгжүүлж байна.
Эхний шатанд дэлхийн 4300 гаруй хот нэгдэн орсноос манай улс нийслэл Улаанбаатар, Эрдэнэт, Дархан хотууд 2016 онд, бусад аймгийн төвүүд 2018 онд нэгдэж, засаг захиргааны нэгжийн хувьд бүх хотоо тус санаачилгад нэгтгэсэн Ази тивийн анхны улс болсон юм.
Харин тус санаачилгын II үе шатыг “Аюулгүй, гамшигт тэсвэртэй хот 2030” гэж нэрлэсэн бөгөөд тус санаачилгын хэрэгжилтийг хангах, хотуудын гамшгийг тэсвэрлэх чадавхыг бэхжүүлэх, ОБЕГ-ын 2025 оны төлөвлөгөөнд тусгагдсан арга хэмжээг хэрэгжүүлэх хүрээнд “Хотуудын гамшгийг тэсвэрлэх чадавхыг онооны аргаар үнэлэх арга”-ын дагуу 21 аймгийн төв, нийслэл Улаанбаатар хотын чадавхын үнэлгээг холбогдох талуудын оролцоотой хийхээр төлөвлөөд байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/02/17
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/02/17
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/02/17
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
