Дэвшүүлсэн зорилт, арга хэмжээг хэрэгжүүлэхдээ шинэлэг, бүтээлч, инновацыг нэвтрүүлэхэд анхаарч ажиллахыг үүрэг болголоо
ОБЕГ-ын дарга, хошууч генерал Г.Ариунбуян өнөөдөр Сүхбаатар аймгийн Онцгой байдлын газар, Эрдэнэцагаан сум дахь Гал түймэр унтраах, аврах 47 дугаар анги болон улсын нөөцийн ангиудад ажиллаж, байгууллагын үйл ажиллагаатай танилцлаа.
Сүүлийн жилүүдэд үндсэн болон тусгай зориулалтын, шуурхай албаны нийт 10 гаруй техник хэрэгслээр парк шинэчлэл хийж, алба хаагчдын ажиллах орчин нөхцлийг бүрдүүлэх хүрээнд улсын болоод орон нутгийн хөрөнгө оруулалтаар бүтээн байгуулалтын олон талт ажлуудыг өрнүүлсэн байна.
Өнгөрсөн 2024 онд Онцгой байдлын газрын алба хаагчид 178 удаагийн гамшиг, аюулт үзэгдлийн дуудлагаар ажиллаж, 550 хүний амь нас, 1.9 тэрбум төгрөгийн өмч хөрөнгийг авран хамгаалсан.
Энэ онд Эрдэнэцагаан,Түмэнцогт суманд гамшгаас хамгаалах иж бүрэн сургууль, Сүхбаатар, Дарьганга сум, ХХААГ, Эрүүл мэндийн газарт гамшгаас хамгаалах команд штабын сургууль, Баруун-Урт, Наран, Онгон суманд бэлэн байдлыг үзлэгийг зохион байгуулахаар төлөвлөн ажиллаж байна.
Мөн хээрийн түймрээс урьдчилан сэргийлэх хүрээнд түймэр гарах эрсдэлтэй бүсэд амьдардаг иргэдэд зөвлөмж мэдээллийг тогтмол хүргэж, хөдөлгөөнт постыг гурван чиглэлд ажиллуулахаар төлөвлөжээ.
Хошууч генерал Г.Ариунбуян, Алба хаагч бүр хөдөлмөрийн аюулгүй байдлыг сайтар хангаж, дэвшүүлсэн зорилт, арга хэмжээг хэрэгжүүлэхдээ шинэлэг, бүтээлч, инновацыг нэвтрүүлэхэд анхаарч ажиллахыг үүрэг болгоод, албаны хэмжээнд техникийн шинэчлэлт, хувцас хэрэгслийг үе шаттайгаар нэмэгдүүлж байгааг онцоллоо.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/02/14
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/02/14
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/02/14
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
