Албаны хэмжээнд хэрэгжүүлж байгаа бодлого, зорилтын талаар танилцууллаа
Дорнод аймгийн хэмжээнд өнгөрсөн 2024 онд гамшиг, аюулт үзэгдэл, ослын 183 удаагийн дуудлага бүртгэгдэж, Онцгой байдлын газар, анги, байгууллагын алба хаагчид 157 хүний амь нас, 2.5 тэрбум төгрөгийг эд хөрөнгийг авран хамгаалсан байна.
Гамшгаас урьдчилан сэргийлэх хүрээнд ард, иргэд, аж, ахуйн нэгжид зориулсан 500 гаруй удаагийн өдөрлөг, дадлага, сургалтыг зохион байгуулж, 57.355 иргэнийг хамруулжээ.
Мөн алба хаагчдын сургалт, бэлтгэлийг тогтмол зохион байгуулж, ажиллах орчин нөхцлийг бүрдүүлэх хүрээнд бүтээн байгуулалтын ажлыг анги, салбар бүрт хийж, нийгмийн асуудлыг шийдвэрлэх дэд зөвлөлүүдийг байгуулан, үйл ажиллагаа явуулж байгааг ОБЕГ-ын дарга, хошууч генерал Г.Ариунбуянг ажиллах үеэр танилцууллаа.
Мөн ОБЕГ-ын дарга, хошууч генерал Г.Ариунбуян тус аймгийн Баян-Уул сум дахь Гал түймэр унтраах, аврах 53 дугаар анги, Халхгол сум дахь Гал түймэр унтраах, аврах 62 дугаар ангид ажиллаж, алба хаагчдын санал сэтгэгдлийг сонссон юм.
Энэ үеэр Онцгой байдлын байгууллагаас хэрэгжүүлж байгаа төсөл хөтөлбөр, арга хэмжээ, дэвшүүлсэн зорилт, техник, тоног төхөөрөмжийн шинэчлэлийн талаар танилцуулж, алба хаагчдад хүлээсэн үүргээ нэр төртэй биелүүлж байгаад талархал илэрхийллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/02/13
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/02/13
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/02/13
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
