Онцгой байдлын байгууллагаас улсын хэмжээнд хэрэгжиж байгаа мега төслүүдийн аюулгүй байдлыг хангах, хамтран ажиллах ажлын хүрээнд нийслэлийн авто замын түгжрэлийг бууруулах нэгдсэн төсөл хэрэгжүүлэх нэгжийн захирал У.Баатар болон төслийн менежерүүдтэй уулзалт зохион байгууллаа. 

Уулзалтын эхэнд тус төслийг хэрэгжүүлэх нэгжээс төслийн онцлог, ач холбогдол болоод хийж хэрэгжүүлэх үйл ажиллагааны талаар танилцуулга хийсэн юм. 

Танилцуулгатай холбогдуулан аюулгүй байдлыг хангаж ажиллахтай холбооотой мэдээллийн талаар холбогдох мэргэжилтнүүд харилцан санал солилцлоо.