Гамшгийн эрсдэлийг бууруулах нийслэлийн зөвлөлийн хуралдаанд оролцож, мэдээлэл хийлээ
Гамшгийн эрсдэлийг бууруулах нийслэлийн зөвлөлийн 2025 оны анхдугаар хуралдаанд ОБЕГ-ын дарга, хошууч генерал Г.Ариунбуян, дэд дарга, хурандаа Ц.Уранчимэг нар оролцож, зөвлөлийн үйл ажиллагаатай танилцлаа.
Энэ үеэр ОБЕГ-ын Ажиллагааны удирдлагын газрын дарга, хурандаа А.Дашням, Гал түймэртэй тэмцэх газрын дарга, хурандаа Ц.Нямбаяр, Эрсдэлийн удирдлагын газрын хэлтсийн дарга, хурандаа Д.Базаррагчаа нар холбогдох чиглэлээр мэдээлэл өгсөн юм.
Хуралдаанд оролцсон зөвлөлийн гишүүд энэ онд нийслэлийн хэмжээнд тохиолдож болзошгүй гамшгийн эрсдэлийг бууруулах чиглэлээр хийж хэрэгжүүлэх ажлын төлөвлөгөө, холбогдох төсөв зардлыг хэлэлцэн төлөвлөгөөг баталлаа.
Гамшгийн эрсдэлийг бууруулах нийслэлийн зөвлөлөөс нийслэлийн хэмжээнд гамшгийн эрсдэлийг бууруулах, гамшгийг даван туулах чадавхыг бэхжүүлэх, салбар дундын хамтын ажиллагааг сайжруулах, төр хувийн хэвшлийн хамтын ажиллагааг хангах, гамшгийн эрсдэлийг бууруулахад хүүхдийн оролцоог нэмэгдүүлж, дуу хоолойг шийдвэр гаргах түвшинд хүргэх зэрэг шат дараатай арга хэмжээнүүдийг зохион байгуулахаар боллоо.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/02/05
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/02/05
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/02/05
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
