Онцгой байдлын ерөнхий газраас Мал эмнэлгийн ерөнхий газарт Гамшгаас хамгаалах команд штабын сургуулийг ирэх гуравдугаар сарын 12-14-ний өдрүүдэд зохион байгуулахтай холбогдуулан хоёр талын уулзалтыг зохион байгууллаа.

Энэ үеэр ОБЕГ-ын Ажиллагааны удирдлагын газрын дарга, хурандаа А.Дашням сургуулийн бодлого, шийдвэр, зохион байгуулалтын талаар мэдээлэл өгч, сургуулийн хүрээнд хэрэгжүүлэх үйл ажиллагааны талаар санал солилцсон юм. 

Мөн төв, орон нутгийн Онцгой байдлын газар, Мал эмнэлгийн албаны удирдлага, холбогдох мэргэжилтнүүдэд сургуулийн зохион байгуулалтын талаар танилцуулж, бэлтгэл ажлыг сайтар хангаж ажиллахыг үүрэг болголоо.