Байгууллагын үйл ажиллагааг танилцуулж, хамтын ажиллагааны талаар санал солилцлоо
ОБЕГ-ын дарга, хошууч генерал Г.Ариунбуян, НҮБ-ын Монгол Улс дахь суурин зохицуулагч Яаап Вэн Хайердэнг хүлээн авч уулзлаа. Уулзалтын эхэнд хошууч генерал Г.Ариунбуян НҮБ-ын суурин зохицуулагчаар томилогдсонд баяр хүргээд Онцгой байдлын байгууллагын үйл ажиллагаа, онцлог, авч хэрэгжүүлж байгаа арга хэмжээний талаар танилцуулсан юм.
Онцгой байдлын байгууллага нь НҮБ-ын Хөгжлийн хөтөлбөр (UNDP), Хүүхдийн сан (UNCEF), Гамшгийн эрсдэлийг бууруулах газар (UNDRR), Хүмүүнлэгийн хэргийг зохицуулах алба (OCHA), Олон улсын эрэн хайх, аврах зөвлөлдөх бүлэг (INSARAG), Дэлхийн эрүүл мэндийн байгууллага (WHO), Олон улсын шилжилт хөдөлгөөний байгууллага (IOM), Хүн амын сан (UNFPA), Хүнс, хөдөө аж ахуйн байгууллага (FAO) зэрэг НҮБ-ын системийн агентлагуудтай хамтран ажиллаж байна.
Цаашид уур амьсгалын өөрчлөлтөд дасан зохицох, гамшгийн эрсдэлийг бууруулах, урьдчилан сэргийлэх чиглэлээр идэвхтэй хамтран ажиллаж, Тогтвортой хөгжлийн зорилтууд, уур амьсгалын өөрчлөлтийн эсрэг Парисын гэрээ болон Гамшгийн эрсдэлийг бууруулах Сендайн үйл ажиллагааны хүрээ зэрэг баримт бичгүүдийн уялдаа, хэрэгжилтийг хангахад анхаарч ажиллах талаар санал солилцлоо.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/01/30
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/01/30
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/01/30
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
