Онцгой байдлын ерөнхий газраас алба хаагчдыг мэргэшүүлэх, давтан сургах зорилгоор төрийн худалдан авах ажиллагааны А3 сертификат олгох сургалтыг энэ сарын  27-28 ны өдрүүдэд зохион байгууллаа.  

  Сургалтад ОБЕГ, НОБГ болон нийслэлийн хүрээний анги, байгууллагын 30 гаруй алба хаагч хамрагдсан юм.

Сургалтаар Засгийн газрын худалдан авах ажиллагааны ерөнхий ойлголт, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн танилцуулга, худалдан авах ажиллагааны удирдлага, зохион байгуулалт, худалдан авах ажиллагааг төлөвлөх, тайлагнах болоод худалдан авах ажиллагаатай холбоотой дүрэм, журам, аргачлал, олон нийтийн оролцоотой худалдан авах ажиллагааны журмын талаар холбогдох байгууллагын мэргэжилтнүүд мэдээлэл өглөө.