Монгол Улсын нутаг дэвсгэрээр дамжуулан ОХУ-аас БНХАУ руу байгалийн хий дамжуулах хоолой барих төслийн хүрээнд ОБЕГ-ын тэргүүн дэд бөгөөд штабын дарга, хурандаа Ц.Ганзориг, ОХУ-ын “Газопровод Союз Восток” ХХК-ийн орлогч захирал А.А.Середа, “Эрдэнэс Монгол” ХХК-ийн “Эрдэнэс Газ” төслийн зохицуулагч П.Батаа тэргүүтэй төлөөлөгчдийг хүлээн авч уулзлаа.

Уулзалтаар байгалийн хий дамжуулах хоолойн аюулгүй байдлыг хангах, гарч болзошгүй ослоос урьдчилан сэргийлэх, хариу арга хэмжээ авч ажиллах талаар санал солилцсон юм.

Мөн хяналт шалгалтыг зохион байгуулах чиглэлээр зөвлөлдөж, төслийн хүрээнд боловсруулсан эрсдэлийн үнэлгээ болон гамшгаас хамгаалах төлөвлөгөөг танилцууллаа.