Онцгой байдлын байгууллагын 2024 оны эрдэм шинжилгээний “Шилдэг бүтээл”-ээр ОБЕГ-ын дэргэдэх Гамшиг судлалын хүрээлэнгийн захирал, хурандаа Ж.Амгалан, секторын эрхлэгч бөгөөд гамшгийн эрсдэлийн судалгаа хариуцсан эрдэм шинжилгээний ажилтан, ахмад Д.Нарантуяа нарын “Хот айл” судалгааны ажил шалгарлаа. 

Судалгааны ажлыг Монгол Улсын Засгийн газраас мал аж ахуйн салбарыг “Шинэ сэргэлтийн бодлого”-ын хүрээнд хөгжүүлэх, зудын эрсдэлийг хохирол багатайгаар даван туулахад бодит үр дүн үзүүлнэ гэж үнэлсэн юм.

Харин ОБЕГ-ын даргын нэрэмжит шагналаар Увс аймгийн Онцгой байдлын газрын дарга, хурандаа Л.Чинбат, 112 дугаар ангийн захирагч, хурандаа М.Хаш-Эрдэнэ, Дорнод аймгийн Онцгой байдлын газрын Эрэн хайх, аврах ангийн аврагч, ахлах ахлагч Ч.Сугархүү нар шагнагдлаа.